________________
Shri Mahavir Jain Aradhana Kendra
www.kobatirth.org
Acharya Shn Kailashsagarsun Gyanmandir
झियायह तं भवियव्वंताओ! एत्थकारेणणं, तओ तुब्भे ममताओ! एयं कारणं( एयंपा०) अगूहेमाणा असंकेमाणा अनिण्हवेमाणा अपच्छाएमाणा जहाभूतमविहतमसंदिद्धं एयमट्ठमाइक्खह, तते णं हं तस्स कारणस्स अंतगमणं गमिस्सामि, तते ण से सेणिए राया अभएणं कुभारेणं एवं वुत्ते समाणे अभयकुमार एवं वदासी एवं खलु पुत्ता ! तव चुल्लमाउयाए धारिणीए देवीए तस्स गब्भस्स दोसु मासेसु अइक्कतेसु तइयमासे वट्टमाणे दोहलकालसमयंसि अयमेयारूवे दोहले पाउभवित्था धनाओणंताओ अभ्भयाओ तहेव निरवसेस) भाणियव्वं जाव विणिंति, तते णं अहं पुत्ता ! धारिणीए देवीए तस्स अकालदोहलस्स बहूहिं आएहि य उवाएहिं जाव उप्पत्ति अविंदमाणे ओहयमणसंकप्पे जाव झियायामि तुमं आगयंपि न याणामि, तं एतेणं कारणेणं अहं पुत्ता ! ओहय जाव झियामि, तते णं से अभयकुमारे सेणियस्स रत्रो अंतिए एयभट्ट सोच्चा णिसम्म हट्ठजावहियए सेणियं रायं एवं वदासी माणं तुब्भे ताओ ! ओहयमण जाव झियायह अहण्णं तहा करिस्सामि जहा णं मम चुल्लमाउयाए धारिणीए देवीए अयमेयारूवस्स अकालडोहलस्स मणोरहसंपत्ती भविस्सइत्तिकटु सेणियं रायं ताहिं इटाहिं कंताहिं जाव समासासेइ, तते णं सेणिए राया अभयेणं कुमारेणं एवं वुत्ते समाणे हद्वतुढे जाव अभयकुमारं सकारेति संभाणेति त्ता पडिविसजेति । १५ । तते णं से अभयकुमारे सवारियसम्माणिए पडिविसजिए समाणे सेणियस्सरनो अंतियाओ पडिनिक्खमइत्ता जेणामेव सए भवणे तेणामेव उवागच्छति त्तासीहासणे निसने, ततेणं तस्सअभयकुमारस्स अयमेयारूवे अब्भत्थिए जाव समुपजित्था नो खलु सक्का माणुस्सएणं उवाएणं मम चुल्लमाउयाए धारिणीए देवीए | ॥श्रीमाताधर्मकथाङ्गम् ॥
| पू. सागरजी म. संशोधित
For Private And Personal
