________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| सिवा सती अंजू रोहिणी णवमिया (प्र० या - इया) अचला अच्छरा (प्र० मच्छरा ), पढमज्झयणस्स उक्खेवओ, एवं खलु जंबू ! तेणं कालेनं० रायगिह समोसरणं जाव परिसा पज्जुवासइ, तेणं कालेणं० पउमावई देवी सोहम्मे कप्पे पउमवडेंसए विमाणे सभाए सुहम्माए पउमंसि सीहासणंसि जहा कालीए एवं अट्ठवि अज्झयणा कालीगमएणं नायव्वा, णवरं सावत्थीए दो जणीओ हत्थिणाउरे दो जणीओ कंपिल्लपुरे दो जणीओ सागेयनयरे दो जणीओ पउमे पियरो विजया मायराओ सव्वाओऽवि पासस्स अंतिए पव्वतियाओ सक्क्स्स अग्गमहिसीओ ठिई सत्त पलिओवमाई महाविदेहे वासे अंत काहिंति। १६३ ॥ वग्गो ९॥ दसमस्स उक्खेवओ, एवं खलु जंबू ! जाव अट्ठ अज्झयणा पं० तं० कण्हा य कण्हराती, रामा तह रामरक्खिया । वसू या वसुमित्ता य, वसुंधरा चेव ईसाणे ॥ ५७ ॥ पढमज्झयणस्स उक्खेवओ, एवं खलु जंबू, तेणं कालेणं० रायगिहे समोसरणं जाव परिसा पज्जुवासति, तेणं कालेणं कण्हा देवी ईसाणे कप्पे कण्हवडेंस विमाणे सभाए सुहम्माए कण्हंसि सीहासणंसि सेसं जहा कालीए, एवं अट्ठवि अज्झयणा कालीगमएणं णेयव्वा णवरं पुव्वभवे वाणारसीए नयरीए दो जणीओ रायगिहे नयरे दो जणीओ सावत्थीए नयरीए दो जणीओ कोसंबीए नयरीए दो ! जणीओ रामे पिया धम्मा माया सव्वाओऽवि पासस्स अरहओ अंतिए पव्वइयाओ पुप्फचूलाए अज्जाए सिस्सणीयत्ताए ईसाणस्स अग्गमहिसीओ ठिती णव पनिओवमाइं महाविदेहे वासे सिज्झिहिंति बुज्झिहिंति मुच्चिहिंति सव्वदुक्खाणं अंतं काहिंति। एवं खलु जंबू ! णिक्खेवओ दसमवग्गस्स। दसमो वग्गो समत्तो। १६४ । वग्गो १० ॥ एवं खलु जंबू ! समणेणं भगवया महावीरेणं आदिगरेणं
॥ श्रीज्ञानाधर्मकथाङ्गम् ॥
२६५
पू. सागरजी म. संशोधित
For Private And Personal
