________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
कुसीला० अहाछंदा० संसत्ता० बहूणि वासाणि सामन्नपरियागं पाउणइ त्ता अद्धमासियाए संलेहणाए अत्ताणं झूसेति ता तीसं भत्ताई | अणसणाए छेएइ ना तस्स ठाणस्स अणालोइयअपडिक्कंता कालमासे कालं किच्चा चमरचंचाए रायहाणीए कालवडिंसए भवणे उववायसभाए देवसयणिज्जंसि देवदूरसंतरिया अंगुलस्स असंखेज्जइ भागमेत्ताए ओगाहणाए कालीदेवीत्ताए उववण्णा, तते णं सा काली देवी अहुणोववण्णा समाणी पंचविहाए पज्जत्तीए जहा सूरियामो जाव भासामणपज्जत्तीए, तते णं सा काली देवी चउण्हं सामाणियसाहस्सीणं जाव अण्णेसिं च बहूणं काल (प्र० ली. ) वडेंसगभवणवासीणं असुरकुमाराणं देवाण य देवीण य आहेवच्च जाव विहरति, एवं खलु गो०! कालीए देवीए सा दिव्वा देविड्डी० लद्धा पत्ता अभिसमण्णागया, कालीए णं भंते! देवीए के वतियं कालं ठिती पं०?, गो० ! अड्डाइज्जाई पलिओवमाई ठिई पं०, काली णं भंते! देवी ताओ देवलोगाओ अनंतरं उववट्टित्ता कहिं गच्छिहिति कहिं उववज्जिहिति ?, गो० ! महाविदेहे वासे सिज्झिहिति, एवं खलुं जंबू ! समणेणं जाव संपत्तेणं पढमवग्गस्स पढमज्झयणस्स अयमट्ठे पण्णत्तेत्तिबेमि, धम्मकहाणं पढमज्झयणं समत्तं २-१-१३ १५४ ।
जति णं भंते! समणेणं जाव संपत्तेणं धम्मकहाणं पढमस्स वग्गस्स पढमज्झयणस्स अयमद्वे पं० बितियस्स णं भंते! अज्झयणस्स समणेणं भगवया महावीरेणं जाव संपत्तेणं के अट्ठे पं०?, एवं खलु जंबू ! तेणं कालेणं० रायगिहे नगरे गुणसीलए चेइए सामी समोसढे परिसा णिग्गया जाव पज्जुवासति, तेणं कालेणं० राई देवी चमरचंचाए रायहाणीए एवं जहा काली तहेव आगया ॥ श्रीज्ञाताधर्मकथाङ्गम् ॥
२६०
पू. सागरजी म. संशोधित
For Private And Personal
