________________
Shri Mahavir Jain Arachana Kendra
www.kobatirth.org
Acharya Shri Kailashsagarsur Gyanmandir
चेडियाचकवालपरिकिण्णा सातो गिहातो पडिणिक्खमति त्ता जेणेव बाहिरिया उवट्ठाणसाला जेणेव धम्मिए जाणध्यवरे तेणेव उवा०|| त्ता धम्मियं जाणपवरं दुरुढा, तते णं सा काली दारिया धम्मियं जाणपवरं एवं जहा दोवती जाव पज्जुवासति, तते णं पासे अरहा पुरिसादाणीए कालीए दारियाए तीसे यमहतिमहालयाए परिसाए धम्मं कहेइ, ततेणंसा कालीदारिया पासस्सअहओ पुरिसादाणीयस्स
अंतिए धम्म सोच्चा णिसम्म हट्ठजावहिय्या पासं अरहं पुरिसादाणीयं तिक्खत्तो वंदति नमंसति त्ता एवं सहामिण भते! णिग्गंथं| |पावयणं जाव से जहेयं तुब्भे व्यह, जंणवरं देवा० अम्मापियरो आपुच्छामि, तते णं अहं देवाणुप्पियाणं अंतिए जाव पव्वयामि,
अहासुहं देवा!, तते णंसा कालीदारिया पासेणं अहया पुरिसादाणीएणं एवं वुत्ता समाणी हट्ठजावहियया पासं अरहं वंदति नभसति त्ता तमेव धम्मियं जाणण्यवरं दुरूहति त्ता पासस्स अहओ पुरिसादाणीयस्स अंतियातो अंबसालवणाओ चेइयाओ पडिणिक्खमति त्ता जेणेव आमलकप्या नथरी तेणेव उवा० त्ता आमलकप्यं णयरि मझमझेणं जेणेव बाहिरिया उवट्ठाणसाला तेणेव उवा० ता धम्भियं जाणपवरं ठवेति त्ता धम्मियाओ जाणण्यवराओ पच्चोरुहति त्ता जेणेव अम्मापियरी तेणेव उवा० त्ता करयल एवं व० -एवं खलु अम्मयाओ! मए पासस्स अरहतो० अंतिए धम्मे णिसंते सेऽविय धम्मे इच्छिए पडिच्छिए अभिरुतिए, तए णं अहं अम्माओ! संसारभविग्गा भीया जम्मणभरणाणं इच्छामि णं तुब्भेहिं अब्मणुनाया सभाणी पासस्स अहतो अंतिए मुंडा भवित्ता आगारातो अणगारियं पव्वतित्तए, अहासुहं देवा०! मा पडिबंधं क०, तते णं से काले गाहावई विपुलं असणं० उवक्खडावेति त्ता ॥श्रीज्ञाताधर्मकथाङ्गम् ॥
| पू. सागरजी म. संशोधित
For Private And Personal
