________________
www.kobatirth.org
Shri Mahavir Jain Aradhana Kendra
Acharya Shri Kailashsagarsuri Gyanmandir
णामं विजए पन्नते, तत्थ ण पुंडरीगिणी णामं रायहाणी पं० णवजोयणविच्छिण्णा दुवालसजोयणायामा जाव पच्चक्खं देवलोयभूया पासातीया०, तीसे णं पुंडरीगिणीए णयरीए उत्तरपुरच्छिमे दिसिभाए णलिणीवणे णामं उज्जाणे, तत्थ णं पुंडरीगिणीए रायहाणीए महापउमे णामं राया होत्था, तस्स णं परमावती णाभं देवी होत्या, तस्स णं महापउमस्स रन्नो पुत्ता पउमावतीए देवीए अत्त्या दुवे कुमारा होत्था, तं० - पुंडरीए य कंडरीए य सुकुमालपाणिपाया० पुडंरीयए जुवराया, तेणं कालेणं० थेरागमणं महापउमे राया णिग्गए धम्मं सोच्या पोंडरीयं रज्जे ठवेत्ता पव्वतिए, पोंडरीए राया जाए, कंडरीए जुवराया, महापउमे अणगारे चोहस पुव्वाई अहिज्जइ, तते णं | थेरा बहिया जणवयविहारं विहरंति, तते णं से महापउमे बहूणि वासाणि जाव सिद्धे । १४७। तते णं थेरा अन्नया क्याई पुणरवि पुंडरीगिणीए रायहाणीए णणिवणे उज्जाणे समोसढा, पोंडरीए राया णिग्गए, कंडरीए महाजणसद्द सोच्चा जहा महब्बलो जाव पज्जुवासति, थेरा धम्मं परिकर्हेति, पुंडरीए समणोवासए जाए जाव पडिगते, तते णं कंडरीए उट्ठाए उट्ठेति ता जाव से जहेयं तुब्भे व्दह जं णवरं पुंडरीयं रायं आपुच्छामि तए णं जाव पव्वयामि, अहासुहं देवाणुपिया!०, तए णं से कंडरीए जाव थेरे वंदइ नमसइ० अंतियाओ पडिनिक्खमइ तमेव चाउघंटं आसरहं दुरुहति जाव पच्चोरुहइ जेणेव पुंडरीए राया तेणेव उवागच्छति करयल जाव पुंडरीयं एवं व्०- एवं खलु देवा०! मए थेराणं अंतिए जाव धम्मे निसंते से धम्मे अभिरूइए तए णं देवा० ! जाव पव्वइत्तए, तए णं से पुंडरीए कंडरीयं एवं व० मा णं तुभं देवाणुप्पिया! इदाणिं मुंडे जाव पव्वयाहि अहं णं तुमं महया २ रायाभिसेएणं अभिसिंचयामि, तए णं से ॥ श्रीज्ञाताधर्मकथाङ्गम् ॥
२४८
पू. सागरजी म. संशोधित
For Private And Personal
