________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyamandir
खंधावारनिवेसं करेंति ना सए २ आवासे अणुपविसंति त्ता सएसु २ आवासेसु आसणेसु य सन्निसन्ना य संतुयट्टा य बहूहिं गंधव्वेहि|| य नाडएहि य उवगिजमाणा य उवणचिजमाणा य विहरंति, तते णं से दुवए राया कंपिल्लपुरं नगरं अणुपविसति त्ता विउलं असणं० उवक्खडावेइ त्ता कोडुंबियपुरिसे सहावेइ त्ता एवं ३०- गच्छह णं तुब्भे देवाणुप्पिया ! विउलं असणं० सुरं च मजं च मंसं च सीधुं च पसण्णं च सुबहुपुष्पवत्थगंधमलालंकारं च वासुदेवपाभोक्खाणं रायसहस्साणं आवासेसु साहरह, तेवि साहरंति तते णं ते वासुदेवपामुक्खा तं विउलं असणंजाव पसनंच आसाएमाण विहरंति, जिभियभुत्तुत्तरगयावियणं सभाणा आयंता जाव सुहासणवाया बहूहिं गंधव्वेहिं जाव विहरंति, तते णं से दुवए राया पुव्वावरण्हकालसमयंसि कोडुंबियपुरिसे सद्दावेइ त्ता एवं व० -गच्छह णं तुमे देवाणुप्पिया! कंपिल्लपुरे संघाडगजावपहे वासुदेवपामुक्खाण य रायसहस्साणं आवासेसु हत्थिखंधवरगया महया २ सहेणं जाव उग्धोसेमाणा २ एवं वदह एवं खलु देवाणु० कलं पाउ० दुवयस्सरण्णो धूयाए चुलणीए देवीए अत्तयाए धजणस्स भगिणीए दोवईए रायवरकण्णाए सयंवरे भविस्सइ तं तु णं देवा०! दुवयं रायाणं अणुगिण्हमाणा व्हाया जाव विभूसिया हत्थिखंधवरगया सव्वे सकोरंट० सेयवरचामर० हयगयरह० महया भडचडगरेणंजाव परिक्खित्ता जेणेव सयवरामंडवे तेणेव उवा०त्ता पत्तेयं नामकेसु आसणसु निसीयह त्ता दोवई रायकण्णं पडिवालेमाणा २ चिट्ठह, घोसणं धोसेह त्ता मम एयमाणत्तियं पच्चप्पिणह, तए णं ते कोडुबिया तहेव जाव पच्चप्पिणंति, तएणसे दुवए राया कोइंबियपुरिसे सहा त्ता एवं०-च्छह णं तुब्भे देवाण! सयंवरमंडपं | ॥ श्रीज्ञाताधर्मकथाङ्गम् ॥
२०८
पू. सागरजी म. संशोधित
For Private And Personal
