________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
उदयभायणाण य ओसहाणणभेसज्जाण य तणस्सय कट्ठस्सय आवरणाण यपहरणाण य अन्नेसिंच बहूणं पोयवहणपाउग्गाणं दव्वाणं पोतवहणं भरेंति सोहणंसि तिहिकरणनक्खत्तमुत्तंसि विपुलं असणं ४ उवक्खडावेति त्ता मित्तणाति आपुच्छंति त्ता जेणेव पोताणे तेणेव उवागच्छंति तते णं तेसिं अहन्नग जाव वाणियगाणं जाव ताहिं वग्गूहिं अभितणंदता य अभिसंथुणमाणा य एवं वदासी अज्ज ताय भाय माउल भाइणेजे भगवता समुद्देणं अनभिखिजमाणा २ चिरं जीवह भदं च भे पुणरविलद्धढे कयकज्जे अणहसमग्गे नियगं घरं हव्वमागए पासामोत्तिकटु ताहिं सोमाहिं निद्धाहिं दीहाहिं पप्पु (प्र०च्छ )याहिं दिट्ठीहिं निरीक्खमाणा मुहत्त्मेत्तं संचिद्वंति तओ. समाणिएसु पुष्फबलिकम्मेसु दिनेसु सरसरत्तचंदणदरपंचंगुलितलेसु अणुक्खित्तंसि धूवंसि पूतिएसु समुद्दवाएसु संसारियासु वलयबाहासु असिएसु सिएसु अयग्गेसु पडुप्पवाइएसु तूरेसु जइएसु सव्वसउणेसु गहिएसु रायवरसासणेसु महया उक्किद्विसीहणायजावरवेणं पक्खुभितमहासमुद्दरवभूयंपिव मेइणिं करेमाणा एगदिसिं जाव वाणियगा णावं दुरुढा, ततो पुस्समाणवो वक्कमुदाहु है भो ! सव्वेसिमवि अत्थसिद्धी उवहिताई कल्लाणाई पडिहयातिं सव्वपावाई जुत्तो पूसो विजओ मुहुत्तो अयं देसकालो, ततो पुस्समाणएणं वक्के समुदाहिए हट्टतुडे कुच्छिधारकन्नधारगब्भिजसंजत्ताणावावाणियगा वावारिसुतं नावं पुन्नुच्छंगपुण्णमुहिं बंधणेहितो मुंचंति, तते णं सा नावा विमुक्झबंधा पवणबलसमाहया उस्सियसिया विततपक्खा इव गरुडजुवई गंगासलिलतिक्खसोयवेगेहि संवुज्झमाणी २ उम्मीतरंगमालासहस्साई समतिच्छमाणी २ कइवएहिं अहोरत्तेहिं लवणसमुद्दे अणेगातिं जोयणसतातिं ओगाढा, तते णं ॥श्रीज्ञानाधर्मकथाङ्गम् ॥
पू. सागरजी म. संशोधित
For Private And Personal
