________________
Shri Mahavir Jain Aradhana Kendra
www.kobatirth.org
Acharya Shri Kalashsagarsuri Gyanmandir
असंखेजाणं सुहुमआउकायिसरीराणं जावइया सरीरा से एगे सुहुमे पुढवीसरीरे, असंखेजाणं सुहमपुढवीकाइयसरीराणं जावइया सरीरा से एगे बादरवाउसरीरे, असं० बादरवाउकाइयाणं जावइया सरीरा से एगे बादरतेउसरीरे, असंखेजाणं बादरतेउकाइयाणं जावतिया सरीरा से एगे बादरआउसरीरे, असंखेजाणं बादरआउ० जावतिया सरीरा से एगे बादरपुढवीसरीरे, एभहालए णं गोयमा! पुढवीसरीरे पं० १६५३ पुढवीकाइयस्स णं भंते! केमहालिया सरीरोगाहणा पं०?, गोयमा! से जहानामए स्त्रो चाउरंतचक्कवट्टिस्स वनगपेसिया तरुणी बलवं जुगवं जुवाणी अप्पायंका वनओ जाव निउणसियोवगया नवरं चम्भेट्ठदुहणमुद्वियसमाहयणिचियगत्तकाया न भण्णति सेसं तं चेव जाव निउणसियोवगया तिक्खाए वयरामईए सण्हकरणीए तिक्खेणं वइराभएणं वट्टावरएणं एगं महं पुढवीकाइयं जतुगोलासमाणं गहाय पडिसाहरिय २ पडिसंखिविय २ जाव इणामेवत्तिकट्ठ तिसत्तक्खुत्तो उप्पीसेजा तत्थ णं गोयमा! अत्थेगतिया पुढवीकाइया आलिद्धा अत्थेगइया पुढविकाइया नो आलिद्धा अत्गइया संघट्टिया अत्थेगइया नो संघट्टि(प्र० 6ि )या अत्थेगइया परियाविया अत्थेगइया नो परियाविया अत्थेगइया उद्दविया अत्थेगइया नो उद्दविया अत्थेगइया पिट्ठा अत्यंगतिया नो पिट्ठा, पुढवीकाइयस्स णं गोयमा! एमहालिया सरीरोगाहणा पं०, पुढवीकाइए णं भंते! अकंते समाणे के रिसियं वेदणं पच्च्णु भवमाणे विहरति?, गोयमा! से जहानामए केई पुरिसे तरुणे बलवं जाव निउणसिप्पोवगए एगं पुरिसं जुनं जराजजरियदेहं जाव दुब्बलं किलंतं जमलपाणिणा मुद्धाणंसि अभिहणिज्जा से णं गोयमा! पुरिसे तेणं पुरिसेणं जमलपाणिणा मुद्धाणंसि अभिहए समाणे केरिसियं वेदणं पच्च्णुभवमाणे ॥ ॥श्रीभगवती सूत्र॥
| पू. सागरजी म. संशोधित ||
For Private And Personal
