________________
Acharya Shri Kailashsagarsuri Gyanmandir
| य जीवाणं भंते! परिभोगत्ताए हव्वभागच्छंति ?, गोयमा ! पाणाइवाए जाव एए णं दुविहा जीवदव्वा य अजीवदव्वा य अत्थेगतिया जीवाणं परिभोगत्ताए हव्वमागच्छंति अत्थेगतिया जीवाणं जाव नो हव्वमागच्छंति, से केणट्टेणं भंते! एवं वुच्चड पाणाइवाए जाव नो हव्वमागच्छंति?, गोयमा ! पाणाइवाए जाव मिच्छादंसणसल्ले पुढवीकाइए जाव वणस्सइकाइए सव्वे य बायरबोंदिधरा कलेवरा एए णं दुविहा जीवदव्वा य अजीवदव्वा य अजीवदव्वा य जीवाणं परिभोगताए हव्वमागच्छंति, पाणाइवायवेरमणे जाव मिच्छादंसणसल्लविवेगे धम्मत्थिकाए अधम्मत्थिकाए जाव परमाणुपोग्गले सेलेसिं पडिवन्नए अणगार एए णं दुविहा जीवदव्वा य अजीवदव्वा य जीवाणं परिभोगत्ताए नो हव्वमागच्छंति से तेणद्वेणं जाव नो हव्वमागच्छंति । ६२४ । कति णं भंते! कसाया पं०?, गोयमा ! चत्तारि कसाया पं० तं० - कसायपदं निरवसेसं भाणियव्वं जाव निज्जरिस्संति लोभेणं, कति णं भंते! जुम्मा पं०?, गोयमा ! चत्तारि जुम्मा पं० तं०- कडजुम्मे तेयोगे दावरजुम्मे कलिओगे, से केणद्वेणं भंते! एवं वच्चइ जाव कलियोए ?, गोयमा ! जे णं रासी चउक्कएणं अवहारेणं अवहीरमाणे २ चउपज्जवसिए सेत्तं कडजुम्मे, जेणं रासी चउक्कएणं अवहारेणं अवहीरमाणे २ तिपज्जवसिए सेत्तं तेयोए, जेणं रासी चउक्कएणं अवहारेणं अवहीरमाणे दुपज्जवसिए सेत्तं दावरजुम्मे, जे णं रासी चउक्कएणं अवहारेणं अवहीरमाणे एगपज्जवसिए सेत्तं कलिओगे, से तेणट्टेणं गोयमा ! एवं वुच्चइ जाव कलिओए, नेरइया णं भंते! किं कडजुम्मा तेयोगा दावरजुम्मा कलियोगा ?, गोयमा ! जहन्नपदे कडजुम्मा उक्कोसपदे तेयोगा अजहत्रुक्को सपदे सिय कडजुम्मा जाव सिय कलियोगा, एवं जाव थणियकुमारा, वणस्सइकाइयाणं पू. सागरजी म. संशोधित
॥ श्रीभगवती सूत्रं ॥
Shri Mahavir Jain Aradhana Kendra
www.kobatirth.org
२४
For Private And Personal
