________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
|गोयमा ! एवं वुच्चइ ते णं नो संखेजा नो असंखेज्जा अनंता, जीवदव्वा णं भंते! किं संखेजा असंखेज्जा अणंता?, गोयमा ! नो संखेज्जा | नो असंखेज्जा अनंता, से केणट्टेणं भंते! एवं वुच्चइ जीवदव्वा णं नो संखेज्जा नो असंखेज्जा अणता?, गोयमा ! असंखेज्जा नेरइया जाव असंखेजा वाउक्काइया वणस्सइकाइया अनंता असंखिजा बेंदिया एवं जाव वेमाणिया अनंता सिद्धा से तेणट्टेणं जाव अनंता | १७२१। जीवदव्वाणं भंते! अजीवदव्वा परिभोगत्ताए हव्वमागच्छंति अजीवदव्वाणं जीवदव्वा परिभोगत्ताए हव्वमागच्छंति ?, गोयमा! जीवदव्वाणं अजीवदव्वा परिभोगत्ताए हव्वमागच्छंति नो अजीवदव्वाणं जीवदव्वा परिभोगत्ताए हव्वमागच्छंति, से केणट्टेणं भंते ! एवं वुच्चइ जाव हव्वमागच्छंति ?, गोयमा ! जीवदव्वाणं अजीवदव्वे परियादियंति ता ओरालियं वेउव्वियं आहारगं तेयगं कम्मगं | सोइंदियं जाव फासिंदियं मणजोगं वइजोगं कायजोगं आणापाणत्तं च निव्वत्तयंति से तेणद्वेणं जाव हव्वमागच्छंति, नेरतिया णं भंते! अजीवदव्वा परिभोगत्ताए हव्वमागच्छंति अजीवदव्वाणं नेरतिया परिभोगत्ताए०, गोयमा ! नेरतियाणं अजीवदव्वा जाव हव्वमागच्छंति नो अजीवदव्वाणं नेरतिया हव्वमागच्छंति, से केणट्टेणं०?, गोयमा ! नेरतिया अजीवदव्वे परियादियंति त्ता वेउव्वियतेयगकम्मगसोइंदियजावफा सिंदियाई आणापाणुत्तं च निव्वत्तयंति, से तेणट्टेणं गोयमा ! एवं वुच्चइ जाव वेमाणिया नवरं सरीरइंदियजोगा भाणियव्वा जस्स जे अत्थि । ७२२ । से नूणं भंते! असंखेजे लोए अणंताई दव्वाई आगासे भइयव्वाई ?, हंता गोयमा! असंखेज्जे लोए जाव भइयव्वाइं, लोगस्स णं भंते! एगंमि आगासपए से कतिदिसिं पोग्गला चिज्जंति?, गोयमा ! निव्वाघाएणं छद्दिसिं वाघायं पडुच्च सिय
॥ श्रीभगवती सूत्रं ॥
पू. सागरजी म. संशोधित
१५१
For Private And Personal
