________________
Shri Mahavir Jain Aradhana Kendra
www.kobatirth.org
Acharya Shul Kalashsagarsuri Gyanmandir
एवतियं०, सो चेव अप्पणा उक्कोसकालठितीओ जाओ आदिल्लगभगसरिसा तित्रि गमगा णेयव्वा नवरं ठितिं कालादेसं च जाणेजा। जइ संखेज्जवासायउयसन्निपंचिंदिय० संखेजवासाउयस्स जहेव असुरकुमारेसु उववज्जमाणस्स तहेव नववि गमा, नवरं ठिति संवेहं च जाणेजा, जाहे य अपणा जहन्नकालठितिओ भवति ताहे तिसुवि गमएसु सम्मदिट्ठीवि मिच्छादि० णो सम्मामिच्छादिट्ठी दो नाणा दो अन्नाणा नियम सेसं तं चेव, जइ मणुस्सेहिंतो उववनंति भेदो जहेव जोतिसिएसु उववजमाणस्स जाव असंखेजवासाउयसन्निमणुस्से णं भंते! जे भविए सोहम्मे कप्पे देवत्ताए उववजित्तए एवं जहेव असंखेजवासाउयस्स सन्निपंचिंदियतिरक्खजोणियस्स सोहम्मे कथ्ये उववजमाणस्स तहेव सत्त गमगा नवरं आदिल्लएसु दोसु गमएसु ओगाहणा जहन्नेणं गाउयं उक्कोसेणं तिन्नि गाउयाई, ततियगमे जहन्नेणं तिन्नि गाउयाई उक्कोसेणवि तिन्नि गाउयाई, चउत्थगमए जहन्नेणं गाय उक्कोसेणवि गाउयं, पच्छिमएसु तिसु गमएसु जह तिनि गाउयाइं उको० तित्रि गाउयाई सेसं तहेव निखसेसं, जइ संखेजवासाउयसनिमणुसेहितो एवं संखे० सत्रिमणु० जहेव असुरकुमारेसु उववजमाणाणं तहेवणव गमगा भा. नवरं सोहम्मदेवद्वितिं संवेहं च जाणेजा सेसं तं चेव, ईसाणदेवा णं भंते! कओहिंतो उवव०?, ईसाणदेवाणं एस चेव सोहम्मगदेवसरिसा वत्तव्वया नवरं असंखेजवासाउयसनिपंचिंदियतिरिक्खजोणियस्स जेसु ठाणेसुसोहम्मे उववजमाणस्स पलिओवमठितीएसु ठाणेसु इहं सातिरेगं पलिओवभं कायव्यं, चउत्थगमे ओगाहणा जहन्नेणं धणुहपुहुत्तं उक्कोसेणं सातिरेगाई दो गाउयाई सेसं तहेव, असं खेजवासाउयसत्रिमणुस्सस्सवि तहेव ठिती जहा पंचिंदियतिरिक्खजोणियस्स ॥श्रीभगवती सूत्रं ॥
| पू. सागरजी म. संशोधित
For Private And Personal
