________________
Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| सागरोवमट्ठितीएसु उववज्जेज्जा, ते णं भंते! जीवा एगसमएणं केवइया उववज्जंति ?, गोयमा ! जहनेणं एक्को वा दो वा तिनि वा उक्कोसेणं संखेजा उववज्जंति संघयणा छ सरीरोगाहणा जहन्नेणं अंगुलपुहुत्तं उक्कोसेणं पंचधणुसयाई एवं सेसं जहा सन्निपंचिंदियतिरिक्खजोणियाणं जाव भवादेसोत्ति नवरं चत्तारि णाणा तिन्नि अन्नाणा भयणाए छ समुग्धाया केवलिवज्जा । ठिती अणुबंधो य जहन्नेणं मासपुहुत्तं उक्कोसेणं पुव्वकोडी सेसं तं चेव कालादेसेणं जहन्नेणं दसवाससहस्साइं मासपुहुत्तमपब्भहियाई उक्कोसेणं चत्तारि सागरोवमाइं चऊहिं पुव्वकोडीहिं अब्भहियाई एवतियं जाव करेज्जा, सो चेव जहन्नकालद्वितीएस उववन्नो सो चेव |वत्तव्वया नवरं कालादेसेणं जहन्त्रेणं दसवाससहस्साइं मासपुहुत्तमब्भहियाई उक्कोसेणं चत्तारि पुव्वकोडीओ चत्तालीसाए वाससहस्सेहिं अब्भहियाओ एवतियं०, सो चेव उक्कोसकालवितीएस उववन्नो एस चैव वत्तव्वया नवरं कालादेसेणं जह-नेणं सागरोवमं मासपुहुत्तमब्भहियं उक्कोसेणं चत्तारि सागरोवमाइं चऊहिं पुव्वकोहीडिं अमहियाई एवतियं जाव करेज्जा, सो चेव अप्पणा | जहन्नकालवितीओ जाओ एस चेव वत्तव्वया नवरं इमाई पंच नाणत्ताइं सरीरोगाहणा जहन्नेणं अंगुलपुहुत्तं उक्कोसेणवि अंगुलपुहुत्तं तिन्नि नाणा तिन्नि अन्नाणाई भयणाए पंच समुग्धाया आदिल्ला विती अणुबंधो य जहनेणं मासपुहुत्तं उक्कोसेणवि मासपुहुत्तं सेसं तं चेव जाव भवादेसोत्ति, कालादेसेणं जहनेणं दसवा ससहस्साई मासपुहुत्तमम्भहियाई उक्कोसेणं चत्तारि सागरोवमाइं चऊहिं मासपुहुत्ते हिं | अब्भहियाई एवतियं जाव करेज्जा, सो चेव जहन्नकालट्ठितीएसु उववन्नो एस चेव वत्तव्वया चउत्थगमसरिसा णेयव्वा नवरं कालादेसेणं पू. सागरजी म. संशोधित
॥ श्रीभगवती सूत्रं ॥
१०५
For Private And Personal
