________________
Shri Mahavir Jain Aradhana Kendra
www.kobatirth.org
भंते! एगपत्तए किं एगजीवे अणेगजीवे?, गोयमा ! एगजीवे नो अणेगजीवे, तेण परं जे अन्ने जीवा उववज्जंति ते णं णो एगजीवा अणेगजीवा, ते णं भंते! जीवा कओहिंतो उववजंति। किं नेरइएहिंतो उववज्जंति तिरि० मणु० देवेहिंतो उववजंति?, गोयमा! नो नेरतिएहिंतो उववज्जंति तिरिक्खजोणिएहिंतोऽवि उववज्जन्ति मणुस्सेहिंतो० देवेहिंतोऽवि उववजंति, एवं उववाओ भाणियव्वो, जहा वक्कंतीए वणस्सइकाइयाणं जाव ईसाणेति, ते णं भंते! जीवा एगसमएणं के वइया उववज्जंति?, गोयमा ! जहन्त्रेणं एक्को वा दो वा तिन्नि वा उक्कोसेणं संखेज्जा वा असंखेज्जा वा उववज्जंति, ते णं भंते! जीवा समए २ अवहीरमाणा २ केवतिकालेणं अवहीरंति?, गोयमा ! ते णं असंखेज्जा समए २ अवहीरमाणा २ असंखेज्जाहिं उस्सप्पिणीओसप्पिणीहिं अवहीरंति नो चेव णं अवहिया सिया, तेसिं णं भंते! जीवाणं के महालिया सरीरोगाहणा पं०?, गोयमा ! जहत्रेणं अंगुलस्स असंखेज्जइभागं उक्कोसेणं सातिरेदं जोयणसहस्सं, ते णं भंते! जीवा णाणावरणिजस्स कम्मस्स किं बंधेगा अबंधगा?, गोयमा ! नो अबंधगा बंधए वा बंधगा वा एवं जाव अंतराइयस्स, नवरं आउयस्स पुच्छा, गोयमा ! बंधए वा अबंधए वा बंधगा वा अबंधगा वा अहवा बंधए य अबंधए य अहवा बंधए य अबंधगा य अहवा बंधगा य अबंधए य अहवा बंधगा य अबंधगा य एते अट्ठ भंगा, ते णं भंते! जीवा णाणावरणिजस्स कम्मस्स किं वेदगा अवेदगा?, गोयमा ! नो अवेदगा वेदए वा वेदगा वा एवं जाव अंतराइयस्स, ते णं भंते! जीवा किं सायावेयगा असायावेयगा?, गोयमा ! सायावेदए वा असायावेयए वा अट्ठ भंगा, ते णं भंते ! जीवा णाणावरणिज्जस्स कम्मस्स किं उदई ?, गोयमा ! नो अणुदई उदई वा उदड़णो वा,
॥ श्रीभगवती सूत्रं ॥
पू. सागरजी म. संशोधित
७४
Acharya Shri Kailassagarsuri Gyanmandir
For Private And Personal Use Only
