________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
हंसलक्खणेणं पडसाडएणं अश्गकेसे पडिच्छइ त्ता सुरभिणा गंधोदएणं पक्खालेइ त्ता अग्गेहिं वरेहिं गंधेहिं भल्लेहिं अच्चेति त्ता सुद्धवत्थेणं बंधेइ त्ता रयणकरंडगंसि पक्खिवति त्ता हारवारिधारासिंदुवारछिन्नमुत्तावलिप्पणासाइंसुयवियोगदूसहाई अंसूई विणि मुयमाणी २ एवं क्यासी एस णं अहं जमालिस्स खत्तियकुमारस्स बहूसु तिहीसु य पव्वणीसु य उस्सवेसु य जन्नेसु य छणेसु य अपच्छिमे दरिसणे भविस्सतीतिकट्ठ ओसीसगभूले ठवेति, तए णं तस्स जमालिस्स खत्तियकुमारस्स अम्मापियरो दोच्चपि उत्तरावक्कमणं सीहासणं रयाति त्ता दोच्चंपि जमालिस खत्तियकुमारस्स ( गायं) सीयापीयएहिं कलसेहिं नाण्हेंति त्ता पम्हसुकुमालाए सुरभिए गंधकासाईए गायाई लुहेंति त्ता सरसेणं गोसीसचंदणेणं गायाई अणुलिपति त्ता नासानिस्सासवायवोझं चक्खुहरं वनफरिसजुत्तं हयलालापेलवातिरेगं धवलं कणगखचियंतकम्मं महरिहं हंसलक्खणपडसाडगं परिहिंति त्ता हारं पिणद्धेति त्ता एवं जहा सूरियाभस्स अलंकारो तहेव जाव चित्तं रयण संकडुक्कडं मउडं पिणद्धति, किं बहुणा ?, गंथिमवेढिमपूरिभसंधातिमेणं चउब्विहेणं मल्लेणं कपक्खगंपिव अलंकियविभूसियं करेंति (दहरमलयसुगंधिगंधिएहिं गायाई भुकुंडेंति पा० ) तए णं से जमालिस्स खत्तियकुमारस्स पिया कोडुंबियपुरिसे सहावेइ त्ता एवं क्यासी खिय्यामेव भो देवाणुप्पिया ! अणेगखंभयसनिविट्ठ लीलट्ठियसालभंजियागं जहा रायप्यसेणइजे विभाणवनओ जाव मणिरयणघंटियाजालपरिख्त्तिं पुरिससहस्सवाहणीयं सीयं उवट्ठवे त्ता ममं एयमाणत्तियं पच्चप्पिणह, तए णं ते कोडुबियपुरिसा जाव पच्चप्पिणंति, तए णं से जमाली खत्तियकुमारे केसालंकारेणं वत्थालंकारेणं मल्लालंकारेणं आभरणालंकारेणं चउबिहेणं ॥श्रीभगवती सूत्रं ॥
| पू. सागरजी म. संशोधित
For Private And Personal Use Only
