________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
|तिरिक्खजोणियपवेसणएऽवि भाणियव्वं जाव असंखेज्जा, उक्कोसा भंते ! तिरिक्खजोणिया पुच्छा, गंगेया ! सव्वेऽवि ताव एगिंदिए होजा अहवा एगिंदिएसु वा बेइंदिएसु वा होज्जा, एवं जहा नेरतिया चारिया तहा तिरिक्खजोणियावि चारेयव्वा, एगिंदिया अमुच्चतेसु दयासंजोगो तियासंजोगो चउक्कसंजोगो पंचगसंजोगो उवउज्जिऊण भाणियव्वो जाव अहवा एगिंदिएसु वा बेइंदिय जाव पंचिंदिएसु वा होज्जा, एयरस णं भंते ! एगिंदियतिरिक्खजोणियपवेसणगस्स जाव पंचिंदियतिरिक्खजोणियपवेसणयस्स कयरे जाव विसेसाहिया वा ?, गंगेया ! सव्वत्थोवे पंचिंदियतिरिक्खजोणियपवेसणए चउरिदियतिरिक्खजोणिय० विसेसाहिए तेइंदिय० विसेसाहिए बेइंदिय० । विसेसाहिए एगिंदियतिरिक्ख० विसेसाहिए । ३७३ | मणुस्सपवेसणए णं भंते ! कतिविहे पं० ?, गंगेया ! दुविहे पं० तं०संमुच्छिममणुस्सपवेसणए गम्भवक्कंतियमणुस्सपवेसणए य, एगे भंते ! मणुस्से मणुस्सपवेसणएणं पविसमाणे किं संमुच्छिममणुस्सेसु होज्जा गम्भवक्कंतियमणुस्सेसु होज्जा ?, गंगेया ! संमुच्छिममणुस्सेसु वा होज्जा गब्भवक्कंतियमणुस्सेसु वा होज्जा, दो भंते ! मणुस्सा० पुच्छा, गंगेया ! संमुच्छिममणुस्सेसु वा होजा गम्भवक्कंतियमणुस्सेसु वा होज्जा अहवा एगे संमुच्छिममणुस्सेसु वा होज्जा एंगे गब्भवकंतियमणुस्सेसु वा होज्जा, एवं एएणं कमेणं जहा नेरइयपवेसणए तहा मणुस्सपवेसणए वि भाणिव्वं जाव दस ! संखेज्जा भंते! मणुस्सा० पुच्छा, गंगेया ! संमुच्छिममणुस्सेसु वा होज्जा गब्भवकंतियमणुस्सेसु वा होजा अहवा एगे संमुच्छिममणुस्सेसु होज्जा संखेज्जा गब्भवक्कंतियमणुस्सेसु वा होज्जा अहवा दो संमुच्छिममणुस्सेसु होज्जा संखेजा गब्भवतियमणुस्सेसु होजा एवं एक्केकं पू. सागरजी म. संशोधित
॥ श्रीभगवती सूत्रं ॥
२६
For Private And Personal Use Only
