________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| बलिस्स परियारेणं, अट्टो तहेव नवरं रुयगिंदप्पभाई सेसं तं चेव जाव बलिचंचाए रायहाणीए अन्नेसिं च जाव रुयगिंदस्स णं उप्पायपव्वयस्स उत्तरेणं छक्कोडिसए तहेव जाव चत्तालीसं जोयणसहस्साई ओगाहित्ता एत्थ णं बलिस्स वइरोयणिंदस्स वइरोयणरत्रो बलिचंचा नामं रायहाणी पं० एगं जोयणस्यसहस्सं पमाणं तहेव जाव बलिपेढस्स, उववाओ जाव आयरक्खा सव्वं तहेव निरवसेसं नवरं सातिरेगं सागरोवमं ठिती पं०, सेसं तं चेव जाव बली वयरोयणिंदे २। सेवं भंते! २ जाव विहरति । ५८८ । १० १६ ३० ९ ॥
कतिविहाणं भंते! ओही पं०?, गोयमा ! दुविहा ओही पं०, ओहीपदं निरवसेसं भाणियव्वं । सेवं भंते! सेवं भंते! जाव विहरति ५८९ ॥ ० १६३० १० ॥
दीवकुमाराणं भंते! सव्वे समाहारा सव्वे समुस्सासनिस्सासा?, णो तिणट्टे समट्टे, एवं जहा पढमसए बितिय उद्देसए दीवकुमाराणं वत्तव्वया तहेव जाव समाज्या समुस्सासनिस्सासा, दीवकुमाराणं भंते! कति लेस्साओ पं०?, गोयमा ! चत्तारि लेस्साओ पं० नं०कण्हलेस्सा जाव तेउलेस्सा, एएसिं णं भंते! दीवकुमाराणं कण्हलेस्साणं जाव तेउलेस्साण य कयरे जाव विसेसाहिया वा?, गोयमा ! सव्वत्थोवा दीवकुमारा तेउलेस्सा काउलेस्सा असंखेजगुणा नीललेस्सा विसेसाहिया कण्हलेस्सा विसेसाहिया, एएसिं णं भंते! दीवकुमाराणं कण्हलेसाणं जाव तेउलेस्साण य कयरे कयरेहिंतो अप्पढिया वा महड्ढिया वा?, गोयमा ! कण्हलेस्साहिंतो नीललेस्सा महड्ढिया जाव सव्वमहड्ढीया तेउलेस्सा । सेवं भंते! सेवं भंते! जाव विहरति ॥ २० १६३० ११॥
॥ श्रीभगवती सूत्रं ॥
२६९
For Private And Personal Use Only
पू. सागरजी म. संशोधित
