________________
Shri Mahavir Jain Aradhana Kendra
www.kobatirth.org
| विहरिस्सामि तुमं णं गोसाला ! अप्पणा चेव सयेणं तेएणं अन्नाइट्टे समाणे अंतो सत्तरतस्स पित्तज्जरपरिगयसरीरे जाव छउमत्थे चेव | कालं करेस्ससि, तए णं सावत्थीए नगरीए सिंघाडगजावपहेसु बहुजणो अन्त्रमन्त्रस्स एवमाइक्खड़ जाव एवं परूबेड़ एवं खलु देवाणुप्पिया! सावत्थीए नगरीए बहिया कोट्ठए चेइए दुवे जिणा संलवंति, एगे वयति तुमं पुव्विं कालं करेस्ससि एगे वदति तुमं पुव्विं कालं करेस्ससि, तत्थ णं के पुण सम्भावादी के पुण मिच्छावादी?, तत्थ णं जे से अहम्पहाणे जणे से वदति समणे भगवं महावीरे सम्भावादी गोसाले मंखलिपुत्ते मिच्छावादी, अज्जोति समणे भगवं महावीरे समणे निग्गंथे आमंतेत्ता एवं व्यासी अज्जो ! से जहानामए तणरासीइ वा कट्टरासीइ वा पत्तरासीइ वा तयारासीइ वा तुसरासीइ वा भुसरासीइ वा गोमयरासीइ वा अवकररासीइ वा अगणिझामिए अगणिझूसिए अगणिपरिणामिए हयतेये गयतेये नद्वतेये भट्टतेये लुत्तते विणतेये जायइ एवामेव गोसाले मंखलिपुत्ते मम वहाए सरीरगंसि तेयं निसिरेत्ता हयतेये गयतेये जाव विद्वतेये जाए, तं छंदेणं अज्जो! तुज्झे गोसालं मंखलिपुत्तं धम्मियाए पडिचोयणाए पडिचोएह ता धम्मियाए पडिसारणाए पडिसारेह त्ता धम्मिएणं पडोयारेणं पडोयारेह ता अट्ठेहि य हेऊहि य पसिणेहि य वागरणेहि य कारणेहि य निष्पट्टपसिणवागरणं करेह, तए णं ते समणा निग्गंथा समणेणं भगवया महावीरेणं एवं वृत्ता समाणा समणं भगवं महावीरं वंदंति नमसंति त्ता जेणेव गोसाले मंखलिपुत्ते तेणेव उवागच्छंति ना गोसालं मंखलिपुत्तं धम्मियाए पडिचोयणाए पडिचोएंति त्ता धम्मियाए |पडिसारणाए पडिसारेंति ता धम्मिएणं पडोयारेणं पडोयारेंति त्ता अट्ठेहि य हेऊहि य कारणेहि य जाव वागरणं च करेंति, नए णं से
॥ श्रीभगवती सूत्रं ॥
पू. सागरजी म. संशोधित
२२८
Acharya Shri Kailassagarsuri Gyanmandir
For Private And Personal Use Only
