________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
धम्मायरियाणुरागेणं एयमढे असदहमाणे उट्ठाए उतुति त्ता जेणेव गोसाले मंखलिपुत्ते तेणेव उदा० ता गोसालं मंखलिपुतं एवं वयासी/ जेऽवि ताव गोसाला! तहारूवस्स समणस्स वा माहणस वा अंतियं एगमवि आयरियं धम्मियं सुक्यणं निसामेति सेऽवि ताव वंदति नमंसति जाव कल्लाणं मंगलं देवयं चेइयं पज्जुवासइ, किमंग पुण तुमं गोसाला ! भगवया चेव पव्वाविए भगवया चेव मुंडाविए भगव्या चेव सेहाविए भगवया चेव सिक्खाविए भगवया चेव बहुस्सुतीकए भगवओ चेव मिच्छं विष्पडिवने, तंमा एवं गोसाला! नारिहसि गोसाला! सच्चेवतेसा छाया नो अन्ना, तए णं से गोसाले मंखलिपुत्ते सव्वाणुभूतिया अणगारेणं एवं वुत्ते समाणे आसुरुत्ते० सव्वाणुभूतिं अणगारं, तवेणं तेएणंएगाहच्चं जाव भासरासिं करेति, तए णं से गोसाले भखलिपुत्ते सव्वाणभूतिं अणगारं तवेणं तेएणं| एगाहच्चं कूडाहच्चं जाव भासरासिं करेत्ता दोच्चपि समणं भगवं महावीरं उच्चावयाहिं आउसणाहिं आउसइ जाव सुहं नत्थि, तेणं कालेणं० समणस्स भगवओ महावीरस्स अंतेवासी कोसलजाणवए सुणक्खत्ते णामं अणगारे पगइभद्दए विणीए धम्मायरियाणुरागणं जहा सव्वाणुभूती तहेव जाव सच्चेव ते सा छाया नो अन्ना, तए णं से गोसाले मंखलिपुत्ते सुणक्खत्तेणं अणगारेणं एवं वुत्ते समाणे आसुरुत्ते० सुनक्खत्तं अणगारं तवेणं तेएणं परितावेइ, तए णं से सुनक्खत्ते अणगारे गोसालेणं मंखलिपुत्तेणं तवेणं तेएणं परिताविए समाणे जेणेव समणे भगवं महावीरे तेणेव उवागच्छइ त्ता सभणं भगवं महावीरं तिक्खुत्तो० वंदइ नभंसइ त्ता सयमेव पंच महव्वयाई आरुभेति त्ता समणा य समणीओ य खामेइ त्ता आलोइयपडिरते समाहिपत्ते आणुपुवीए कालगए, तए णं से गोसाले मंखलिपुत्ते ॥श्रीभगवती सूत्रं ॥
| पू. सागरजी म. संशोधित
For Private And Personal Use Only
