________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
समणं भगवं महावीरं तिक्खुत्तो आयाहिणं पयाहिणं करेति त्ता वंदति नम० त्ता एवं वदासी एवं खलु अहं भंते! छटुक्खमणपारणगंसि| तुझेहिं अब्भणुन्नाए समाणे सावत्थीए. नगरीए उच्चनीय जाव अडमाणे हालाहलाए कुंभकारीए जाव वीयीवयामि, तए णं से गोसाले मंखलिपुने ममं हालाहलाए जाव पासित्ता एवं वयासी एहि ताव आणंदा! इओ एगं महं उवमियं निसामेहि, तए णं अहं गोसालेणं मंखलिपुत्तेणं एवं वुत्ते समाणे जेणेव हालाहलाए कुंभकारोंए कुंभकारावणे जेणेव गोसाले मंखलिपुत्ते तेणेव उवागच्छामि, तए णं से गोसाले मंखलिपुत्ते ममं एवं क्यासी एवं खलु आणंदा! इओ चिरातीयाए अद्धाए केई उच्चावया वणिया एवं तं चेव सव्वं निरवसेस भाणियव्वं जाव नियगनगरं साहिए तं गच्छ णं तुम आणंदा! तव धम्मायरियस्स धम्मोव० जाव परिकहेहि १५४७॥ तं पभू णं भंते! गोसाले मंखलिपुत्ते तवेणं जाव करेत्तए विसए णं भंते! गोसालस्स मंखलिपुत्तस्स जाव करेत्तए समत्थे णं भंते! गोसाले जाव
रेत्तए?, पभूणं आणंदा! गोसाले मंखलिपुत्ते तवेणं जाव करेत्तए विसए णं आणंदा! गोसाले जाव रेत्तए समत्थे णं आणंदा ! गोसाले जाव करेत्तए, नो चेवणं अरिहंते भगवंते, पारियावणियं पुण करेजा, जावतिए णं आणंदा! गोसालस्स मंखलिपुत्तस्स तवतेए एत्तो अणंतगुणविसिद्धयराए चेव तवतेए अणगाराणं भगवंताणं, खंतिखमा पुण अणगारा भगवंतो, जावइए णं आणंदा! अणगाराणं भगवंताणं तवतेए एत्तो अणंतगुणविसिहयराए चेव तवतेए थेराणं भगवंताणं, खंतिखमा पुण थेरा भगवंतो, जावतिए णं आणंदा! थेराणं भगवंताणं तवतेए एत्तो अणंतगुणविसिद्ध (बलिय)तराए चेव तवतेए अरिहंताणं भगवंताणं, खंतिखमा पुण अरिहंता भगवंतो, ॥ श्रीभगवती सूत्रं ॥
पू. सागरजी म. संशोधित
For Private And Personal Use Only
