________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
||अंतिए एयमढे सोच्चा निसम्म समुप्पन्नसंसए समुपनकोउहल्ले जेणेव विजयस्स गाहावइस्स गिहे तेणेव उवागच्छइ त्ता पासइ विजयस्स
गाहावइस्स गिहंसि वसुहारं वुटुं दसद्धवनं कुसुमं निवडियं, ममं च णं विजयस्स गाहावइस्स गिहाओ पडिनिक्खममाणं पासति त्ता हतुढे जेणेव ममं अंतिए तेणेव उवाग० त्ता ममं तिक्खुत्तो आयाहिणपयाहिणं करेइ त्ता ममं वंदति नमंसति त्ता ममं एवं वयासी तुझे णं भंते! ममं धम्मायरिया अहनं तुझं धम्मंतेवासी, तए णं अहं गोसालस्स मंखलिपुत्तस्स एयमटुं नो आढामि नो परिजाणामि तुसिणीए संचिट्ठामि, तए णं अहं गोयमा! रायगिहाओ नगराओ पडिनिक्खमामि त्ता णालंदं बाहिरियं मझमझेणं जेणेव तंतुवायसाला तेणेव उवा०त्ता दोच्चं गोयमा! मासखमणं उवसंपजित्ताणं विहरामि, तए णं अहं गोयमा! दोच्चमासक्खमणपारणगंसि तंतुवायसालाओ पडिनिक्खमामि सामालंदं बाहिरियं मशंभज्ञणं जेणेव रायगिहे नगरे जाव अडमाणे आणंदस्स गाहावइस्स गिहं अणुप्पविद्वे, तएणं से आणंदे गाहावती मम एजमाणं पासति एवं जहेव विजयस्स नवरं ममं विउलाए खज्जगविहीए पडिलाभेस्सामीति तुढे सेसं तं चेव जाव तच्चं मासक्खमणं उपसंपजित्ताणं विहरामि, तए णं अहं गोयमा! तच्चमासक्खमणपारणगंसि तंतुवायसालाओ पडिनिक्खमामि त्ता तहेव जाव अडमाणे सुणंदस्स गाहावइस्स गिहं अणुपविटे, तए णं से सुणंदे गाहावती एवं जहेव विजए गाहावती नवरं मम सव्वकामगुणिएणंभोयणेणं पडिलाभेति सेसंतंचेव जाव चउत्थंभासक्खमणं उवसंपजित्ताणं विहरामि, तीसेणं नालंदाए बाहिरियाए अदूरसामंते एत्थ्णं कोलाए नाम सत्रिवेसे होत्था सन्निवेसवत्रओ, तत्थ्णं कोलाए संनिवेसे बहुले नाम माहणे परिवसइ अड्ढे जाव || ॥ श्रीभगवती सूत्रं ॥
पू. सागरजी म. संशोधित
२०८
For Private And Personal Use Only
