________________
Acharya Shri Kailassagarsuri Gyanmandir
| पडुच्च सोमणसवणे वा पंडगवणे वा होज्जा, अहे होजमाणे गड्डाए वा दरीए वा होज्जा, साहरणं पडुच्च पायाले वा भवणे वा होज्जा, तिरियं होज्जमाणे पन्त्ररससु कम्मभूमीसु होजा, साहरणं पडुच्च अड्डाइज्जे दीवसमुद्दे तदेक्कदेसभाए होज्जा, ते णं भंते! एगसमएणं केवतिया होज्जा ?, गोयमा ! जहन्त्रेणं एक्को वा दो वा तिन्नि वा उक्कोसेणं दस, से देगणं गोयमा ! एवं वुच्चइ असोच्चा णं केवलिस्स वा जाव अत्थेगतिए केवलिपन्नत्तं धम्मं लभेज्जा सवणयाए अत्थेगतिए असोच्चा णं केवलि जाव नो लभेज्जा सवणयाए जाव अत्थेगतिए केवलनाणं उप्पाडेज्जा अत्थेगतिए केवलनाणं नो उप्पाडेज्जा । ३६८ । सोच्चाणं भंते! केवलिस्स वा जाव तम्पक्खियउवासियाए वा केवलिपत्त्रत्तं धम्मं लभेज्जा सवणयाए ?, गोयमा ! सोच्चाणं केवलिस्स वा जाव अत्थेगतिए केवलिंपन्नत्तं धम्मं० एवं जा चेव असोच्चाए वत्तव्वया सा चेव सोच्चाएऽवि भाणियव्वा, नवरं अभिलावो सोच्चेति, सेसं तं चेव निरवसेसं जाव जस्स णं मणपजवनाणावरणिजाणं कम्माणं खओवसमे कडे भवइ जस्स णं केवलनाणावरणिज्जाणं कम्माणं खए कडे भवइ से णं सोच्चाकेवलिस्स वा जाव उवासियाए वा केवलिपन्नत्तं धम्मं लभइ सवणयाए केवलं बोहिं बुज्झेजा जाव केवलनाणं उप्पाडेजा, तस्स णं अट्टमंअट्टमेणं अनिक्खित्तेणं तवोकम्मेणं अप्पाणं भावेमाणस्स पगइभद्दयाए तहेव जाव गवेसणं करेमाणस्स ओहिणाणे समुप्पज्जइ, से णं तेणं ओहिनाणेणं समुप्पन्त्रेणं जहन्त्रेणं अंगुलस्स असंखेजड़भागं उक्कोसेणं असंखेजाई अलोए लोयप्पमाणमेत्ताइं । खण्डाई जाणइ पासइ, से णं भंते ! कतिसु लेस्सासु होज्जा ?, गोयमा ! छसु लेस्सासु होज्जा, तं०- कण्हलेसाए जाव सुक्कलेसाए, से पू. सागरजी म. संशोधित
॥ श्रीभगवती सूत्रं ॥
१०
Shri Mahavir Jain Aradhana Kendra
www.kobatirth.org
For Private And Personal Use Only
