________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
| अमायीसम्मदिट्ठीउववत्रगा य, तत्थ णं जे से मायीमिच्छाद्दिट्ठी उववन्नए देवे से णं अणगारं भावियष्याणं पासइ त्ता नो वंदति नो नमसति नो सक्कारेति नो सम्माणेति नो कल्लाणं मंगलं देवयं चेइयं जाव पज्जुवासति, से णं अणगारस्स भावियप्पणो मज्झमज्झेणं वीइवएज्जा, तत्थ णं जे से अमायीसम्मद्दिट्टिउववन्नए देवे से णं अणगारं भावियष्याणं पासइ ता वंदति नम॑सति जाव पज्जुवासति, से णं अणगारस्स भावियप्पणो मज्झंमज्झेणं नो वीयीवएज्जा, से तेण० गोयमा ! एवं वच्चइ जाव नो वीइवएज्जा, असुरकुमारे णं भंते ! महाकाये महासरीरे० ?, एवं चेव, एवं देवदंडओ भाणियव्वो जाव वेमाणिए । ५०५ । अत्थि णं भंते ! नेरइयाणं सक्कारेति वा सम्माणेति वा किइकम्भेड़ वा अब्भुट्टाणेइ वा अंजलिपग्गहेति वा आसणाभिग्गहेति वा आसणाणुप्पदाणेति वा इंतस्स पच्चुग्गच्छणया ठियस्स पज्जुवासणया गच्छंतस्स पडिसंसाहण्या?, नो तिणट्टे समट्टे, अत्थि णं भंते! असुरकुमाराणं सक्कारेति वा सम्माणेति वा जाव पडिसंसाहण्या?, हंता अत्थि, एवं जाव थणियकुमाराणं, पुढवीकाइयाणं जाव चउरिदियाणं एएसिं जहा नेरइयाणं, अत्थि णं भंते! पंचिंदियतिरिक्खजोणियाणं सक्कारेइ वा जाव पडिसंसाहण्या?, हंता अत्थि, नो चेव णं आसणाणुप्पयाणेइ वा, मणुस्साणं जाव वेमाणियाणं जहा असुरकुमाराणं । ५०६ । अप्पड्ढीए णं भंते ! देवे महड्ढियस्स देवस्स मज्झंमज्झेणं वीइवएज्जा ?, नो तिणद्वे समट्टे, समिड्ढीए णं भंते! देवे समड्ढियस्स देवस्स मज्झंमज्झेणं वीइवएजा ?, णो इणमट्ठे समट्टे, पमत्तं पुण वीइवएज्जा, से णं भंते! किं सत्थेणं अक्कमित्ता पभू अणक्कमित्ता पभू?, गोयमा! अक्कमित्ता पभू नो अणक्कमित्ता पभू, से णं भंते! किं पुव्विं सत्येणं अक्कमित्ता
॥ श्रीभगवती सूत्रं ॥
१८८
पू. सागरजी म. संशोधित
For Private And Personal Use Only
