________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
|| निस्सीला०, सेसं तं चेव जाव वत्तव्यं सिया । सेवं भंते ! सेवं भंते ! जाव विहरइ १४५९॥श० १२ ३०८॥
कइविहा णं भंते ! देवा पं?, गोयमा ! पंचविहा देवा पंतं०-भवियदव्वदेवा नरदेवा धम्मदेवा देवाधिदेवा भावदेवा से केणटेणं भंते! एवं वुच्चइ भवियदव्वदेवा २ ?, गोयमा ! जे भविए पंचिंदियतिरिक्खजोणिए वा मणुस्से वा देवेसु उववजित्तए से तेणटेणं, गोयमा ! एवं वुच्चइ भवियदव्वदेवा २, से केणटेणं भंते ! एवं वुच्चइ नरदेवा २ ?, गोयमा ! जे इमे रायाणो चाउरंतचक्कवट्टी उप्पन्नसमत्तचक्करयणप्यहाणा नवनिहीपइणो समिद्धकोसा बत्तीसरायवरसहस्साणुजायमग्गा सागरवरमेहलाहिवईणो मणुस्सिदा से तेण्डेणं जाव नरदेवा २, से केणटेणं भंते ! एवं वुच्चइ धम्मदेवा २, गोयमा !, जे इमे अणगारा भगवंतो ईरियासमिया जाव गुत्तबंभयारी से तेणटेणं जाव धम्मदेवा २, से केणद्वेणं भंते ! एवं वुच्चइ देवाधिदेवा २?, गोयमा ! जे इमे अरिहंता भगवंतो उम्पननाणदंसणधरा जाव सव्वदरिसी से तेणटेणं जाव देवाधिदेवा २, से केण्टेणं भंते ! एवं वुच्चइ भावदेवा २?, गोयमा ! जे इमे भवणवइवाणभंतरजोइसवेमाणिया देवा देवगतिनामगोयाई कम्माई वेदेति से तेणद्वेणं जाव भावदेवा २१४६०। भवियदव्वदेवा गं भंते! कओहिंतो उववजति किं नेरइएहिंतो उववजति तिरिक्ख० मणुस्स० देवेहितोऽवि उववजति ?, गोयमा ! नेरइएहितोऽवि उववजति तिरि० मणु० देवेहितोऽवि उववजति भेदो जहा वकंतीए जाव सव्वेसु उववाएयव्वा जाव अणुत्तरोववाइयत्ति, नवरं असंखेजवासाउयअकम्मभूमगअंतरदीवगसव्वट्ठसिद्धवजं जाव अपराजियदेवेहितोऽवि उववजंति, नरदेवाणं भंते ! कओहिंतो उववजति ॥श्रीभगवती सूत्र॥
पू. सागरजी म. संशोधित
For Private And Personal Use Only
