________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
तं चेव जाव अनंतेहिं अगुरुयलहुयगुणेहिं संजुत्ते सव्वागासस्स अनंतभागणे, दव्वओ णं अहेलोगखेत्तलोए अनंताइं जीवदव्वाइं अनंताई अजीवदव्वाइं अनंता जीवाजीवदव्वा, एवं तिरियलोयखेत्तलोए 5वि, दव्वाओ णं अलोए णेवत्थि जीवदव्वा नेवत्थि अजीवदव्वा नेवत्थि जीवाजीदव्वा एगे अजीवदव्वदेसे जाव सव्वागास अनंतभागूणे, कालओ णं अहेलोयखेत्तलोए न कथाइ नासी जाव निच्चे एवं जाव अहेलोगे, भावओ णं अहेलोगखेत्तलोए अनंता वत्रपज्जवा जहा खंदए जाव अनंता अगुरुयलहयपज्जवा एवं जाव लोए, | भावओ णं अलोए नेवत्थि वन्त्रपज्जवा जाव नेवत्थि अगुरुयल हुयपज्जवा एगे अजीवदव्वदेसे जाव अनंतभागूणे ।४१९ । लोए णं भंते! केमहालए पं० ?, गोयमा ! अयन्नं जंबुद्दीवे २ सव्वदीवा जाव परिक्खेवेणं, तेणं कालेणं० छ देवा महिड्ढीया जात्र महेसक्खा जंबुद्दीवे० मंदरे पव्वए मंदर चूलियं सव्वाओ समंता संपरिक्खित्ताणं चिद्वेज्जा, अहे णं चत्तारि दिसाकुमारीओ महत्तारियाओ चत्तारि बलिपिंडे गहाय जंबुद्दीवस्स २ चउसुविदिसासु बहियाभिमुहीओ ठिच्चा ते चत्तारि बलिपिंडे जमगसमगं बहिगाभिमुहे पक्खिवेजा, पभू णं गोयमा ! तओ एगमेगे देवे ते चत्तारि बलिपिंडे धरणितलमसंपत्ते खिप्पामेव पडिसाहरित्तए, ते णं गोयमा ! देवा ताए उक्किट्ठाए | जाव देवगईए एगे देवे पुरच्छाभिमुहे रयाते एवं दाहिणाभिमुहे एवं पच्चत्थिमाभिमुहे एवं उत्तराभिमुहे एवं उड्ढाभि० एगे देवे अहोऽभिमुहे पयाए, , तेणं कालेणं वाससहस्साउए दारए पयाए, नए णं तस्स दारगस्स अम्मापियरो पहीणा भवंति णो चेव णं ते देवा लोगंत संपाउणंति, नए णं तस्स दारगस्स आउए पहीणे भवति, णो चेव णं जाव संपाउणंति, तए णं तस्स दारगस्स अट्ठिमिंजा पहीणा भवंति
॥ श्रीभगवती सूत्रं ॥
८९
पू. सागरजी म. संशोधित
For Private And Personal Use Only
