________________
Shri Mahavir Jain Aradhana Kendra
www.kobatirth.org
| लाभंतराएणं भोगंतराएणं उपभोगंतराएणं वीरियंतराएणं अंतराइयकम्मासरीरम्पयोगनामाए कम्मस्स उदएणं अंतराइयकम्मासरीरम्पयोगबंधे, णाणावरणिजकम्मासरीरप्पयोगबंधे णं भंते ! किं देसबंधे सव्वबंधे ?, गोयमा ! देसबंधे णां सव्वबंधे, एवं जाव अंतराइयकम्मा०, णाणावरणिजकम्मासरीरप्पयोगबंधे णं भंते ! कालओ केवच्चिरं होइ ?, गोयमा ! णाणा० दुविहे पं० तं० - अणाइए सपज्जवसिए अणाइए अपज्जवसिए वा, एवं जहा तेयगस्स संचिणां तहेव एवं जाव अंतराइयकम्मस्स, गाणावरणिजकम्मासरीरप्ययोगबंधंतरे णं भंते ! कालओ केवच्चिरं होइ ?, गोयमा ! अणाइयस्स एवं जहा तेयगसरीरस्स अंतरं तहेव एवं जाव अंतराइयस्स, एएसिं णं भंते ! जीवाणं नाणावरणिजस्स कम्मस्स देसबंधगाणं अबंधगाण य कयरे २ जाव अप्पाबहुगं जहा तेयगस्स, एवं आउयवज्जं जाव अंतराइयस्स, आउयस्स पुच्छा, गोयमा ! सव्वत्थोवा जीवा आउयस्स कम्मस्स देसबंधंगा अबंधगा संखेजगुणा । ३४९ । जस्स णं भंते ! ओरालिय सरीरस्स सव्वबंधे से णं भंते ! वेउव्वियसरीस्स किं बंधए अबंधए ?, गोयमा ! नो बंधए अबंधए, आहारगसरीरस्स किं बंधए अबंध ?, गोयमा ! नो बंधए अबंधए, तेयासरीरस्स किं बंधए अबंधए ?, गोयमा ! बंधए नो अबंधए, जइ बंधए किं देसबंधए सव्वबंधए ?, गोयमा ! देसबंधए नो सव्वबंधए, कम्मासरीरस्स किं बंधए अबंधए ?, जहेव तेयगस्स | जाव देसबंधए नो सव्वबंधए, जस्स णं भंते ! ओरालियसरीरस्स देसबंधे से णं भंते ! वेउव्वियसरीरस्स किं बंधए अबंधए ?, गोयमा ! नो बंधए अबंधए, एवं जहेव सव्वबंधेणं भणियं तहेव देसबंधेगवि भाणियव्वं जाव कम्मगस्स, जस्स णं भंते ! वेउव्वियसरीरस्स
॥ श्रीभगवती सूत्रं ॥
पू. सागरजी म. संशोधित
२७८
Acharya Shri Kailassagarsuri Gyanmandir
For Private And Personal Use Only
