________________
Shri Mahavir Jain Aradhana Kendra
www.kobatirth.org
जाव दिनं सातिजमाणा तिविहंतिविहेणं संजय जाव एगंतपंडिया यावि भवामो, तुझे णं अज्जो ! अष्पणा चेव तिविहंतिविहेणं | अस्संजय जाव एगंतबाला यावि भवह, नए णं ते अन्नउत्थिया ते थेरे भगवंते एवं वयासी केणं कारणेणं अज्जो ! अम्हे तिविहं जाव एगंतबालायावि भवामो ?, तए णं ते थेरा भगवंतो ते अन्नउत्थिए एवं क्यासी तुझे णं अज्जो ! अदिन्नं गेण्हह०, तए णं तु अज्जो ! तुब्भं अदिन्नं गे० जाव एगंत०, नए णं ते अन्नउत्थिया ते थेरे भगवंते एवं वयासी केणं कारणेणं अज्जो ! अम्हे अदिन्नं गेण्हामो जाव एगंतबा०?, तए णं ते थेरे भगवंते ते अन्नउथिए एवं व्यासी तुज्झे णं अज्जो! दिज्जमाणे अदिन्ने तं चैव जाव गाहावइस्स णं तं णो खलुं तं तुझं, तए णं तुझे अदिन्नं गेण्हह तं चेव जाव एगंतबाला यावि भवह, तए णं ते अन्नउ० ते थेरे भ० एवं व०- तुझे णं अज्जो ! |तिविहंतिविहेणं अस्संजय जाव एगंतबा० भवह, तण णं ते थेरा भ० ते अन्नउत्थिए एवं वयासी केणं कारणेणं अम्हे तिविहंतिविहेणं | जाव एतबाला यावि भवामो?, तए णं ते अन्नउत्थिया ते थेरे भगवंते एवं वयासी तुज्झे णं अज्जो ! रीयं रीयमाणा पुढवीं पेच्चेह | अभिहणह वत्तेह लेसेह संघा हे संघट्टेह परितावेह किलामेह उवद्दवेह तए णं तुझे पुढविं पेच्चेमाणा जाव उवद्दवेमाणा तिविहंतिविहेणं असंजयअविरय जाव एगंतबाला यावि भवह, तए णं ते थेरा भगवंतो ते अन्नउत्थिए एवं क्यासी नो खलु अज्जो ! अम्हे रीयं रीयमाणा पुढविं पेच्चेमो अभिहणामो जाव उवद्दवेमो अम्हे णं अज्जो ! रीयं रीयमाणा कार्य वा जोयं वा रियं वा पडुच्च देसंदेसेणं वयामो |पएसंपए सेणं वयामो ते णं अम्हे देसंदेसेणं वयमाणा पएसंपएसेणं वयमाणा नो पुढविं पेच्चेमो अभिहणामो जाव उवद्दवेमो, तए णं
॥ श्रीभगवती सूत्रं ॥
पू. सागरजी म. संशोधित
२५७
Acharya Shri Kailassagarsuri Gyanmandir
For Private And Personal Use Only
