________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
गोयमा! नो पदीवे झियाइ जाव नो पदीवचंपए झियाइ जोई झियाइ, अगारस्स णं भंते! झियायमाणस्स किं आगारे झियाइ कुड्डा । झियाइ कडणा झि० धारणा झि० बलहरणे झि० वंसा० झि० मल्ला झि० वग्गा झियाइ छित्तरा झियाइ छाणे झियाति जोती झियाति?, गोयमा ! नो अगारे झियाति नो कुड्डा झियाति जाव नो छाणे झियाति जोती झियाति ॥ ३३४ ॥ जीवे णं भंते! ओरालियसरीराओ कतिकिरिए ?, गोयमा! सिय तिकिरिए सिय चउकिरिए सिय पंचकिरिए सिय अकिरिए, नेरइए णं भंते! ओरालियसरीराओ कतिकिरिए?, गोयमा! सिय तिकिरिए सिय चउकिरिए सिय पंचकिरिए, असुरकुमारे णं भंते! ओरालियसरीराओकतिकिरिए ?, एवं चेव, एवं जाव वैमाणिए, नवरं मणुस्से जाहा जीवे, जीवे णं भंते! ओरालियसरीरेहिंतो कतिकिरिए ?, गोयमा ! सिय तिकिरिए जाव सिय अकिरिए, नेरइए णं भंते! ओरालियसरीरे हिंतो कतिकिरिए ?, एवं, एसो जहा पढमो दंडओ तहा इमोऽवि अपरिसेसो भाणियव्वो जाव वेमाणिए, नवरं मणुस्से जहा जीवे, जीवा णं भंते! ओरालियसरीराओ कतिकिरिया ?, गोयमा! सिय तिकिरिया जाव सिय अकिरिया, नेरइया णं भंते! आरोलियसरीराओ कतिकिरिया ?, एवं एसोऽवि जहा पढमो दंडओ तहा माणियव्वो जाव वेमाणिया नवरं मणुस्सा जहा जीवा, जीवा णं भंते! ओरालियसरीरे हिंतो कतिकिरिया ?, गोयमा ! तिकिरियावि चउकिरियावि पंचकिरियावि अकिरियावि, नेरइया णं भंते! ओरालियसरीरे हिंतो कइकिरिया ?, गोयमा! तिकिरियावि चउकिरियावि पंचकिरियावि एवं जाव वैमाणिया, नवरं मणुस्सा जहा जीवा, जीवे णं भंते! वेडव्वियसरीराओ कतिकिरिए ?, गोयमा ! सिय तिकिरिए सिय चउकिरिए सिय अकिरिए, नेरइए णं भंते!
॥ श्रीभगवती सूत्रं ॥
२५
५. सागरजी म. संशोषित
For Private And Personal Use Only
