________________
www. kobatirth.org
कति णं भंते! पुढवीओ पं०?, गोयमा ! सत्त पुढवीओ पं० तं०-रयणप्पभा जाव तमतमा, रयणम्पभादीणं आवासा भाणियव्वा जाव अहेसत्तमाए, एवं जे जत्तिया आवासा ते भाणियव्वा जाव कति णं भंते! अणुत्तरविमाणा पं० ?, गोयमा ! पंच अणुत्तरविमाणा पण्णत्ता, तं० विजए जाव सव्वसिद्धे ॥ २४३ ॥ जीवे णं भंते! मारणंतियसमुग्धाएणं समोहए समोहणित्ता जे भविए इमीसे रयणम्पभाए पुढवीए तीसाएं निरयावासस्यसहस्सेसु अन्नयरंसि निरयावासंसि नेरइयत्ताए उववज्जित्तए से णं भंते ! तत्थगते चेव आहारेज्ज वा परिणामेज वा सरीरं वा बंधेजा?, गोयमा ! अत्थेगतिए तत्थगए चेव आहारेज वा परिणामेज्ज वा सरीरं वा बंधेज वा, अत्थेगतिए तओ पडिनियत्तति त्ता इहमागच्छति त्ता दोच्चंपि मारणंतियसमुग्धाएणं समोहण्णइ ता इमीसे रयणप्पभाए पुढवीए तीसाए निश्यावाससयसहस्सेसु अन्नयरंसि निश्यावासंसि नेरइयत्ताए उववजित्नए, ततो पच्छा आहारेज्ज वा परिणामेज्जं वा सरीरं वा बंधेज्जा, एवं जाव अहे सत्तमा पुढवी, जीवे णं भंते! मारणंतियसमुग्धाएणं समोहए त्ता जे भविए चउसट्ठीए असुरकुमारावासस्यसहस्से सु अन्त्रयरंसि असुरकुमारावासंसि असुरकुमारत्ताए उववज्जित्तए, जहा नेरइया तहा भाणियव्वा जाव थणियकुमारा, जीवे णं भंते! मारणंतिय समुग्धाएणं समोहए ता जे भविए असंखेजेस पुढवीकाइयावाससयस हस्सेसु अन्नयरंसि पुढवीकाइया वासंसि पुढवीका इयत्ताए उववजित्तए से णं भंते! मंदरस्स पव्वयस्स पुरच्छिमेणं केवतियं गच्छेज्जा केवतियं पाउणेज्जा ?, गोयमा ! लोयंतं गच्छेज्जा लोयंत पाउणिज्जा, से णं भंते! तत्थगए चेव आहारेज्ज वा परिणामेज्ज वा सरीरं वा बंधेजा ?, गोयमा ! अत्थेगतिए तत्थगए चेव आहारेज्ज वा ॥ श्रीभगवती सूत्रं ॥ पू. सागरजी म. संशोधित
१७९
Shri Mahavir Jain Aradhana Kendra
For Private And Personal Use Only
Acharya Shri Kailassagarsuri Gyanmandir
