________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
इच्छात्तकलिया तुंगा गगणतलमणुलिहंतसिहरा जालंतररयणपञ्जरुम्मिलियब मणिकणगथूभियागा वियसियसयपत्तपुण्डरीयतिलय-1 रयणद्धचंदचित्ता अंतो बाहिं च सहा तवणिजवालुआपत्थडा सुहफासा सस्सिरीयरूवा पासाईया दरिसणिज्जा, केवड्या णं भंते ! वेमाणियावासा पं०?, गोयमा ! इभीसे णं रयणप्पभाए पुढवीए बहसमरमणिजाओ भूमिभागाओ उड्ढे चंदिमसूरियगहगणनक्खत्ततारारूवाणं वीइवइत्ता बहूणि जोयणसयाणि (बहूणि जोयणसयसहस्साणि) बहुइओ जोयणकोडीओ बहुइओ जोयणकोडाकोडीओ असंखेजाओ जोयणकोडाकोडीओ उड्ढं दूरं वीइवइत्ता एत्थ णं वेमाणियाणं देवाणं सोहम्भीसाणसणंकुमारमाहिंदबंभलंतसुक्कसहस्सारआणयपाणयआरणअच्चुएसु गेवेजगमणुत्तरेसु य चउरासीई विभाणावाससयसहस्सा सत्ताणउई च सहस्सा तेवीसं च विमाा भवंतीतिमक्खाया, तेणं विमाणाअच्चिमालिप्पभा भासरासिवण्णाभा अश्या नीरयाणिभ्मला वितिमिरा विसुद्धा सव्वरयणामया अच्छा सण्हा घट्टा मट्ठा णिपंका णिकंकडच्छाया सप्पभा समरीया सउज्जोया पासाईया दरिसणिज्जा अभिरूवा पडिरूवा, सोहम्मे या भंते ! कप्पे केवइया विमाणावासा पं० ? गोयमा ! बत्तीसं विमाणावाससयसहस्सा पं०, एवं ईसाणाइसु अट्ठावीस बारस अट्ठ चत्तारि एयाई सयसहस्साई, पण्णासं चत्तालीसं छ एयाई सहस्साई, आणए पाणए चत्तारि आरणऽच्चुए तिनि एयाणि सयाणि, एवं गाहाहिं भाणियव्वं । १५० । नेरझ्याणं भंते ! केवइयं कालं ठिई पं०, ?, गोयमा ! जहन्नेणं दस वाससहस्साई उक्कोसेणं तेत्तीसं सागरोवमाई ठिई पं०, अपज्जत्तगाणं नेइयाणं भंते ! केवइयं कालं ठिई पं०?, जहन्त्रेणं अंतोमुहत्तं उक्कोसेणवि अंतोमुहत्तं, पज्जत्तगाणं जहन्नेणं | श्रीसमवायाङ्ग सूत्र ॥
पू. सागरजी म. संशोधित
For Private And Personal Use Only
