________________
Shri Mahavir Jain Aradhana Kendra
www.kobatirth.org
Acharya Si Kalassagarsuri Gyanmandir
अट्ठावीसं सागरोवमाई ठिई पं०, ते णं देवा अट्ठावीसाए अद्धमासेहिं आणमंति वा ४, तेसिं णं देवाणं अट्ठावीसाए वाससहस्सेहिं| आहाटे समुप्पजइ, संतेगइया भवसिद्धिया जीवा जे अट्ठावीसाए भवग्गहणेहिं सिन्झिस्संति जाव सव्वदुक्खाणमंतं करिस्संति ॥२८॥ एगूणतीसइविहे पावसुयपसंगे पं०० - भोमे उभ्याए सुमिणे अंतरिक्खे अंगे सरे वंजणे लक्खणे, भोमे तिविहे पं०० -सुत्ते वित्ती वत्तिए, एवं एक्केवं तिविहं, विकहाणुजोगे विजाणुजोगे मंताणुजोगे जोगाणुजोगे अण्णतित्थियपवत्ताणुजोगे, आसाढे णं मासे एगूणतीसं राइंदिआई राइंदियग्गेणं पं० (एवं चेव) भद्दवए णं मासे कत्तिए णं मासे पोसे णं मासे फग्गुणे णं मासे वइसाहे णं मासे, चंददिणे णं एगूणतीसमुहुत्ते सातिरेगे मुहुत्तग्गेणं पं०, जीवेणं पसत्थझवसाणजुत्ते भविए सम्मदिट्ठी तित्थकरनामसहिआओ णामस्स |णियमा एगूणतीसं उत्तरपगडीओ निबंधित्ता वेमाणिएसु देवेसु देवत्ताए उववजइ, इभीसे णं रयणप्पभाए पुढवीए अत्थेगइयाणं| नेइयाणंएगूणतीसंपलिओवमाइंठिई ६०,अहेसत्तमाए पुढवीए अत्थेगइयाणं नेइयाणंएगूणतीसंसागरोवमाइं ठिई ६०- असुरकुमारणं देवाणं अत्थेगइयाणं एगणतीसं पलिओवमाइं ठिई ५०, सोहम्मीसाणेसु प्येसु देवाणं अत्थेगइयाणं एगूणतीसंपलिओवमाई ठिई पं०, उवरिममज्झिमगेवेज्जयाणं देवाणं जहणणेणं एगूणतीसं सागरोवमाई ठिई पं०, जे देवा उवरिमहेट्ठिमगेवेज्जयविमाणेसु देवत्ताए उववण्णा सिंणं देवाणं उक्कोसेणं एगूणतीसं सागरोवमाई ठिई पं०, ते णं देवा एगूणतीसाए अद्धभासेहिं आणमंति वा ४ तेसिंणं देवाणं एगूणतीसवाससहस्सेहिं आहारटे समुपज्जइ, संतेगइया भवसिद्धिया जीवा जे एगूणतीसभवगहणेहिं सिज्झिस्संति जाव ॥श्रीसमवायाङ्ग सूत्र ॥
पू. सागरजी म. संशोधित
For Private And Personal Use Only
