________________
Shri Mahavir Jain Aradhana Kendra
www.kobatirth.org.
Acharya Shri Kailassagarsuri Gyanmandir
| महाबला अनिहता अपराइया सत्तुमद्दणा रिपुसहस्समाणमहणा साणुकोसा अमच्छरा अचवला अचंडा मियमंजुल पलावहसिया | गंभीरमधुरपडिपुण्णसच्चवयणा अब्भुवगयवच्छला सरण्णा लक्खणवंजणगुणोववेआ माणुम्माणपमाणपडिपुण्णसुजायसव्वंगसुंदरंगा ससिसोमागार कंतपियदंसणा अमरिसणा पयंडदंडप्पा (भा)रा गंभीरदरसणिज्जा तालद्ध ओव्विद्धगरुल्के महा धणुविकड्ढया महासत्तसायरा दुद्धरा धणुद्धरा धीरपुरिसा जुद्धकित्तिपुरिसा विउलकुलसमुब्भवा महारयणविहाडगा अन्द्ध भर हसामी सोमा रायकुलवंसतिलया अजिया अजियरहा हलमुसलकणकपाणी संखचक्कगयसत्तिनंदगधरा पवरुज्जलमुकं ( क पा० )तविमलगोत्थुभतिरीडधारी कुंडलउज्जोइयाणणा पुंडरीयणयणा एकावलिकण्ठलइयवच्छा सिरिवच्छसुलंछणा वरजसा सव्वोउयसुरभिकुसुम - रचितपलं बसोभंतकं तविक संतविचित्तवरमालरइयवच्छा अट्ठसयविभत्तलक्खणपसत्यसुंदर विरइयंगमंगा मत्तगयवरिंदललियविक्कमविलसियगई सारयनवथणियमहुर गंभीर कुं चनिग्घोसदुंदभिसरा कडिसुत्तगनीलपीयको सेज्जवाससा पवरदित्ततेया नरसीहा नरवई नरिंदा नवरसहा मरुयवसभकप्पा अम्महियरायतेयलच्छीए दिप्पमाणा नीलगपीयगवसणा दुवे दुवे रामकेसवा भायरो होत्था, तं० - तिविट्ठू जाव कण्हे अयले जाव रामे यावि अपच्छिमे ॥ १२८ ॥ एएसिं णं णवण्हं बलदेववासुदेवाणं पुव्वभविया नव नामधेज्जा होत्था, तं० - विस्सभूई पव्वयए धणदत्त समुद्ददत्त इसिवाले । पियमित्त ललियमित्ते पुणव्वसू गंगदत्ते य ॥ १२९ ॥ एयाई नामाई पुव्वभवे आसि वासुदेवाणं । एत्तो बलदेवाणं जहक्कमं कित्तइस्सामि ॥ १३० ॥ विसनंदी य सुबन्धू सागरदत्ते असोगललिए य । वाराह
॥ श्रीसमवायाङ्ग सूत्रं ॥
९५
यू. सागरजी म. संशोधित
For Private And Personal Use Only
