________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
असंघयणी व अद्विणेव छिराणेवण्हारू जे पोग्गला अणिवा अकंता अप्पिया अगाएज्जा असुभा अमणुण्णा अमणामा अमणाभिरामा ते तेसिं असंघयणत्ताए परिणमंति, असुरकुमाराणं भंते ! किं संध्या पं०?, गोयमा ! छण्हं संध्यणाणं असंध्यणी णेवट्ठीणेव छिरा णेवण्हारू जे पोग्गला इट्ठा कंता पिया मणुण्णा मणामा मणाभिरामा ते तेसिं असंघयणत्ताए परिणमंति, एवं जाव थणियकुमारणं, पुढवीकाइयाणं भंते ! किं संघयणी पं०?, गोयमा ! छेवट्ठसंधयणी पं०,एवंजाव संमुच्छिमपञ्चिदियतिरिक्खजोणियत्ति, गब्भवतिया० छविहसंध्यणी, संमुच्छिममणुस्सा छेवट्ठसंधयणी गब्भवतियमणुस्साणं छविहे संघयणे पं०, जहा असुरकुमारा तहा वाणमंतरजोइसियवेमाणिया य, कइविहे गं भंते ! संठाणे पं०?, गोयमा ! छविहे संठाणे पं००- समचरंसे णिग्गोहपरिमण्डले साइए वामणे खुजे हुंडे, णेरड्या णं भंते ! किं संठाणी पं०?, गोयमा ! हुंडसंठाणी पं०, असुरकुमारा किं संठाणी पं०?, गोयमा ! समचउरंससंठाणसंठिया पं०, एवं जावथणियकुमारा, पुढवी मसूरसंठाणा पं०, आऊथिबुयसंठाणा पं०, तेऊ सूइकलावसंढाणा पं० वाऊ पडागासंठाणा पं०, वणस्सई नाणासंठाणसंठिया पं०, बेइंदियतेइंदियचरिदियसमुच्छिमपंचेदियतिरिक्खा हुंडसंठाणा पं०, गब्भवतिया., छव्विहसंठाणा पं०, संमुच्छिममणुस्सा हुंडसंठाणसंठिया पं०, गब्भवतियाणं मणुस्साणं छव्विहा संठाणा पं०, जहा असुरकुमारा तहा वाणमंतरजोइसियवेमाणियावि । १५५ । कइविहे णं भंते ! वेए पं०?, गोयमा ! तिविहे वेए पं० २० -इत्थीवेए पुरिसवेए नपुंसवेए, नेरक्या णं भंते ! किं इत्थीवेया पुरिसवेया णपुंसगवेया पं०?, गोयमा ! णो इत्थी० णो पुंवेया णपुंसगवेया पं०, ॥श्रीसमवायाङ्ग सूत्र।
| पू. सागरजी म. संशोधित
For Private And Personal Use Only
