________________
Shri Mahavir Jain Aradhana Kendra
www.kobatirth.org
| जाव गमणाए तओ सं० गा० दू० । ३३९। से भिक्खू वागा० दूईज्ज़माणे अंतरा से विहं सिया, से जं पुण विहं जाणिज्जा एगाहेण वा | दुआहेण तिआहेण वा चउआहेण वा पंचाहेण वा पाउणिज्ज वा नो पाउणिज्ज वा तहष्पगारं विहं अणेगाहगमणिज्जं सइ लाढे जाव गमणाए, केवलीबूया आयाणमेयं, अंतरा से वासे सिया पाणेसु वा पणएसु वा बीएस वा हरि० उद० मट्टियाए वा अविद्धत्थाए, अह भिक्खू जं तह अणेगाह० जाव नो पव० तओ. सं० गा० दू० । ३४० । से भि० गामा० दूइज्जिज्जा० अंतरा से नावासंतारिमे उदए सिया, से जं पुण नावं जाणिज्जा असंजए अभिक्खुपडियाए किणिज वा पामिच्चेज वा नावाए वा नावं परिणामं कट्टु थलाओ वा नावं जलंसि ओगाहिज्जा जलाओ वा नावं थलंसि उक्कसिज्जा पुण्णं वा नावं उस्सिंचिज्जा सन्नं वा नावं उप्पीलाविज्जा तहभ्यगारं नावं उड्ढगामिणिं वा अहेगा० तिरियगामि० परं जोयणमेराए अद्धजोयणमेराए अभ्पतरे वा भुज्जतरे वा नो दूरू हिज्जा गमणाए ॥ से भिक्खू वा० पुव्वामेव तिरिच्छसंपाइमं नावं जाणिज्जा, जाणित्ता से तमायाए एगंतमवक्कमिज्जा २ भण्डगं पडिलेहिज्जा २ एगओ भोयणभंडगं करिज्जा २ ससीसोवरियं कार्यं पाए पमज्जिज्जा सागारं भत्तं पच्चक्खाइज्जा एगं पायं जले किच्चा एगं पायं थले किच्चा तओ सं० नावं दूरू हिज्जा । ३४१ । से भिक्खू वा० नावं दुरूहमाणे नो नावाओ पुरओ दुरूहिजा नो नावाओ मग्गओ दुरूहिजा नो नावाओ मज्जओ दुरूहिजा नो बाहाओ पगिज्झिय २ अंगुलियाए उद्दिसिय २ ओणमिय २ उन्नमिय २ निज्झाइजा, से णं परो नावागओ नावागयं वइज्जा आउसंतो, समणा एवं ता तुमं नावं उक्कसाहि वा वुक्कसाहि वा खिवाहि वा रज्जूयाए वा गहाय आकसाहि, नो से तं परित्रं परिजाणिज्जा,
॥ श्रीआचाराङ्ग सूत्रं ॥
८४
पू. सागरजी म. संशोधित
For Private And Personal Use Only
Acharya Shri Kailassagarsuri Gyanmandir
