________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
अणादायमाणे, दाहिणं संखडिं नच्चा उदीणं गच्छे अणाढायमाणे, उईणं संखडिं नच्चा दाहिणं गच्छे अणाढायमाणे, जत्थेव सा|| संखडी सिया, तंजहा गामंसि वा नगरंसि वा खेडसि वा कब्बडंसि वा मडंबंसि वा पट्टणंसि वा आगरंसि वा दोणमुहंसि वा नेगमंसिवा आसमंसि वा संनिवेसंसि वा जाव रायहाणिसि वा संखडि संखडिपडियाए नो अभिसंधारिज्जा गमणाए, केवली बूया आयाणमेयं (प्र० आययणमेयं) संखडि संखडिपडियाए अभिधारेमाणे आहाकम्मियं वा उद्देसियं वा मीसजायं वा कीयगडं वा पामिच्चं वा अच्छिकंवा अणिसिटुं वा अभिहडं वा आहट्ट दिजमाणं भुंजिजा, अस्संजए भिक्खुपडियाए खुड्डियदुवारियाओ महल्लियदुवारियाओ कुज्जा, महल्लियदुवारियाओ खुड्डियदुवारियाओ कुजा, समाओ सिजाओ विसमाओ कुजा, विसमाओ सिजाओ समाओ कुज्जा, पवायाओ सिजाओ निवायाओ कुज्जा, निवायाओ सिजाओ पवायाओ कुज्जा० अंतो वा बहिं वा उवस्मयस्स हरियाणि छिंदिय छिंदिय दालिय दालिय संथारगं संथारिजा, एसविलुंगयामो सिज्जाए, तम्हा से संजए नियंठे तहप्यगारं पुरेसंखडिं वा पच्छासंखडि वा संखडिं संखडिपडियाए नो अभिसंधारिजा गमणाए, एयं खलु तस्स भिक्खुस्स जाव सया जए । २३६ । अ० १३० २ ॥
से एगइओ अन्नयरं संखडिं आसित्ता पिबित्ता छड्डिज वा वभिज वा भुत्ते वा से नो सम्मं परिणमिजा अनयरे वा से दुक्खे रोगायंके समुप्पजिजा, केवली बूया आयाणमेयं ।२३७॥ इह खलु भिक्खू गाहावईहिं वा गाहा वईणीहिं वा परिवायएहिं वा परिवाइयाहिं वा एगजं सद्धिं सुंडं पाउं भो वइमिस्सं हुरत्था वा उवस्मयं पडिलेहेमाणो नो लभिजा तमेव उवस्सयं संमिस्सीभावभावजिज्जा अन्नमणे ॥श्रीआचाराङ्ग सूत्र
| पू. सागरजी म. संशोधित
For Private And Personal Use Only
