________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
महोवगरणं भवइ, तंपि से एगया दायाया वा विभयन्ति, अदत्तहारो वा से अवहरति, रायाणो वा से विलुंपंति, नस्सइ वा से विणस्सइ | वा से, अगारदाहेण वा से डज्झइ, इय से परस्सऽट्ठाइ कूराई कम्माई बाले पकुव्वमाणे तेण दुक्खेण संमूढे विप्यरियासमुवेइ, मुणिणा हु एयं, पवेइयं अणोहंतरा एए, नो य ओहं तरित्तए, अतीरंगमा एए नो य तीरं गमित्तए, अपारंगमा एए नो य पारं गमित्तए, आयाणिजं च आयाय तंभि ठाणे न चिट्ठइ, वितहं पप्पऽखेयन्त्रे तंमि ठाणंमि चिठ्ठइ । ८१ । उद्देसो पासगस्स नत्थि, बाले पुण निहे कामसमणुन्ने असमियदुक्खे दुक्खी दुक्खाणमेव आवट्टं अणुपरियदृइत्ति बेमि । ८२ ॥ अ० २०३० ३ ॥
तओ से एगया रोगसमुष्याया समुष्पज्जंति जेहिं वा सद्धिं संवसइ ते व णं एगया नियया पुव्विं परिवयंति सो वा ते नियए पच्छा परिवइज्जा नालं ते तव ताणाए वा सरणाए वा तुमंपि तेसिं नालं ताणाए वा सरणाए वा, जाणित्तु दुक्खं पत्तेयंसायं, भोगा मे व अणुसोयन्ति इहमेगेसिं माणवाणं । ८३ । तिविहेण जाऽवि से तत्थ मत्ता भवइ अप्पा वा वहुगा वा से तत्थ गड्ढिए चिट्टइ भोयणाए, तओ से एगया विपरिसिद्धं संभूयं महोवगरणं भवइ तंपि से एगया दायाया विभयंति अदत्तहारो वा से हरइ रायाणो वा से विलुंपंति नस्सइ वा से विनस्सइ वा से अगारडाहेण वा से डज्झइ इय से परस्स अट्ठाए कूराणि कम्माणि बाले पकुव्वमाणे तेण दुक्खेण मूढे | विप्परियासमुवेइ । ८४ । आसं च छन्दं च विगिंच धीरे ! तुमं चेव तं सल्लमाहट्टु, जेण सिया तेण नो सिया इणमेव नावबुज्झति जे जणा मोहपाउडा, थीभि लोए पव्वहिए, ते भो ! वयंति एयाई आययणाई से दुक्खाए मोहाए माराए नरगाए नरगतिरिक्खाए, सययं मूढे धम्मं ॥ श्रीआचाराङ्ग सूत्रं ॥
१३
पू. सागरजी म. संशोधित
For Private And Personal Use Only
