________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandie
देवच्छंदयस्स बहुमझदेसभाए एगं महं सपायपीढं नाणामणिकणयस्यणभत्तिचित्तं सुभं चारुकंतरूवं सीहासणं विउव्वइ २ जेणेव|| समणे भगवं महावीरे तेणेव उवागच्छइ २ समणं भगवं महावीरं तिक्खुत्तो आयाहिणं पयाहिणं करेइ २ समणं भगवं महावीरं वंदइ नमंसइ २ समणं भगवं महावीरं गहाय जेणेव देवच्छंदए तेणेव उवागच्छइ सणियं २ पुरत्थाभिमुहं सीहासणे निसीयावेइ सणियं २ निसीयावित्ता सयपागसहस्सपागेहिं तिल्लेहिं अब्भंगेइ गंधकासाईएहिं उल्लोलेइ २ सुद्धोदएण मज्जावेइ २ जस्स णं मुलं सयसहस्संग तिपडोलतित्तिएणं साहिएणं सीतेण गोसीसरत्तचंदणेणं अणुलिंपइ २ ईसिं निस्सासवायवोझं वरनयरपट्टणुग्गयं कुसलनरपसंसियं अस्सलालापेलवं छेयारियणगखइयंतकम्म हंसलक्खणं पट्टजुयलं नियंसावेइ २ हारं अद्धहारं उरत्थं नेवत्थं एगावलिं पालंबसुत्तं पट्टाउडरयणमालाउ आविंधावेइ आविंधावित्ता गंथिमवेटिभपूरिमसंधाइमेणं मल्लेणं कप्परुक्खभिव समलंकरेइ २ ता दुच्चंपि महया
उब्वियसमुग्धाएणं सभोहणइ २ एगं महं चंदप्पहं सिबियं सहस्सवाहणियं विउव्वति, तंजहा ईहामिगउसभतुरगनरमकरविहगवानरकुंजररुरुसरभचमरसदूलसीहवणलयभत्तिचित्तलयविजाहरभिहण जुयलजंतजोगजुत्तं अच्चीसहस्समालिणीयं सुनिरूवियं मिसिमिसिंतरू वगसहस्सक लियं ईसिं भिसमाणं भिब्भिसमाणं चक्खुल्लोयणलेसं मुत्ताहलमुत्ताजालंतरोवियं तवणीय पवलंबूसपलंबंतमुत्तदामं हारद्धहारभूसणसमोणयं अहियपिच्छणिज पउमलयभत्तिचित्तं असोगलयभत्तिचित्तं कुंदलयभत्तिचित्तं नाणालयभत्ति विरइयं सुभंचारुकंतरूवं नाणामणिपंचवनघंटापडायपडिमंडियग्गसिहरं पासाईयंदरिसणिज्जं सुरूवं, सीया उवणीया | ॥श्रीआचाराङ्ग सूत्र॥
पू. सामरजी म. संशोधित
For Private And Personal Use Only
