________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मासं पाओवगया सव्वे वि य सव्वलद्धिसंपण्णा । वज्जरिसहसंघयणा समचउरंसा य संठाणा
॥१०१॥ भरहो सगरो मघवं, सणंकुमारो रायसठूलो। संती कुंथु य अरो, हवई सुभूमो य कौरवो (कोरव्वो) ॥ १०२ । नवमो य महापउमो हरिसेणो चेव रायसठूलो। जयनामो य नरवई बारसमो बंभदत्तो य
॥१०३ .। उसभे सुमितविजए समुद्दविजए य अस(स्स)सेणे य। तह विससेणे य सूरे सुदंसणे कत्तवीरिए य
॥१०४॥ पउमुत्तरे महाहरि विजए राया तहेव बंभे य। उसप्पिणीइमीसे पिउनामा चक्कवट्टीणं
॥ १०५ ॥ सुमंगला जस्सवई भद्दा सहदेवि अइर सिरि देवी । तारा जाला मेरा य वप्पगा तह च चुलणी य ॥ १०६ ॥ चउरासीई बावत्तरी य पुव्वाणं सयसहसाई। पंच य तिण्णि य एगं च सयसहसाओ वासाणं ॥ १०७॥ पंचाणउई सहसा चउरासीई य अट्ठमे सट्ठी। तीसा य दुसय तिण्णि य अप्पच्छिमे सत्तवाससया ॥१०८ ॥ जम्मण विणीय ओज्झा सावत्थी पंच हत्थिणपुरम्मि। वाणारसी कंप्पिल्ले रायगिहे चेव कंपिल्ले
॥१०९ ॥ सव्वे वि एगवण्णा निम्मलकणगप्पहा मुणेयव्वा । छखं(क्खं)डभरहसामी तेसिं पमाणं अओ वुच्छं ॥११०॥ पंचसय अद्धपंचम बायालीसा य अद्धधणुयं च। इगुयालधणुसद्धं च चउत्थे पंचमे चत्ता
॥१११ ॥ पण्णत्तीसा तीसा पुण अट्ठावीसा य वीस य धणूणि। पण्णरस बारसेव य अप्पच्छिमो सत्त य धणि ॥११२॥
૪૦૧
For Private And Personal Use Only
