________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
जो केवलनाणदिवायरेहि, तित्थंकरहिं पण्णत्तो । सव्वजगज्जीवहियओ, सो धम्मो होउ मे सरणं ॥४३॥ कल्लाणकोडिजणणी, जत्थ अण्णत्थ – प्पबंधाइ निद्दलणी। वण्णिज्जइ जीवदया, सो धम्मो होउ मे सरणं
॥ ४४ ॥ जो पावभरुकंतं, जीवं भीमम्मि कुगइकुवम्मि। धारेई निवडमाणं, सो धम्मो होउ मे सरणं
॥ ४५ ॥ सग्गापवग्गपुरमग्गलग्गलोआण सत्थवाहो जो । भव - अडविलंघणखमो, सो धम्मो होउ मे सरणं ॥४६॥ एवं चउण्हं सरणं पवण्णो, निविण्णचित्तो भवचारगाओ। जं दुक्कडं किं पि समक्खमेसि, निंदामि सव्वं पि अहं तमिण्हेिं ॥ ४७ ॥ जं इत्थ मिच्छत्तविमोहिएणं, मए भमंतेणं कयं कुतित्थं । मणेण वायाइ कलेवरेणं, निंदामि सव्वं पि अहं तमिण्हेिं ॥४८॥ पच्छाइओ जं जिणधम्ममग्गो, मए कुमग्गो पयडीकओ जं। जाओ अहं जं परपावहेऊ, निंदामि सव्वं पि अहं तमिण्डिं ॥ ४९ ।। जंताणि जं जंतु दुहावहाइं, हलुक्खलाइणि मए कयाई । जं पोसियं पाव कुडुंबयं तं, निंदामि सव्वं पि अहं तमिण्डिं।। ५० ॥ जिणभवणबिंबपुत्थय, संघसरुवाइ सत्तखित्ताई। जं ववियं धणबीयं, तमहं अणुमोअए सुकयं ॥५१॥ जं सुद्धनाणदंसणचरणाई भवण्णवप्पवहणाई । सम्ममणुपालियाइ, तमहं अणुमोयए सुकयं ।। ५२ ॥ जिणसिद्धसुरिउवज्झायसाहुसाहम्मियप्पवयणेसु । जं विहिओ बहुमाणो, तमहं अणुमोअए सुकयं ॥ ५३॥ सामाईयचउवीसत्थयाइ, आवस्सयम्मि छभेएण। जं उज्जमियं सम्मं, तमहं अणुमोअए सुकयं
॥ ५४ ॥
૨૦૫
For Private And Personal Use Only
