________________
Shri Mahavir Jain Aradhana Kendra
www. kobatirth.org
Acharya Shri Kailassagarsuri Gyanmandir
94
तैत्तिरीयसंहिता.
[का. १. प्र. ७.
यो जात एव प्रथमो मनस्वान्देवो दे॒वान्क्रतुना पर्यभूषत् । यस्य शुष्माद्रोदसी अभ्यसेतां नृम्णस्य
मह्ना स जनास इन्द्रः । आ ते मह 'यः । जातः । एव । प्रथमः । मनस्वान् । देवः । देवान्।कर्तुना। पर्यभूषदिति परि-अभूषत्। यस्य। शुष्मात् । रोदसी इति । अभ्यसेताम् । नृम्णस्य । महा।सः। जनासः। इन्द्रः । एति।ते।महः। इन्द्र। ___“ इन्द्राय मन्युमते मनस्वते पुरोडाशमेकादशकपालं निर्वपेत्सङ्ग्रामे संयत्ते '* इत्यस्य पुरोनुवाक्या-यो जात इति ॥ यो जात एव जातमात्र एव अन्येन संस्कारेण विनैव प्रथमः देवानां प्रधानभूतः मनस्वान् मनस्वी तेजस्वी देवः दीप्तिमान् क्रतुना कर्मणा वृत्रवधादिना प्रज्ञया वा पर्यभूषत् अत्यक्रमत् पर्यगृह्णाहा स्वामित्वेन । भवतेलुङ, व्यत्ययेन क्सः, 'श्रुकः किति' इतीट्वतिषेधः । यस्य शुष्मात् रोदसी द्यावाप्टथिव्यावपि । किमुतान्यः । अभ्यसेतां अबिभीताम् । भ्यस भये, अनुदात्तेत् । हे जनासः जनाः । पूर्ववदसुक् । स तादृश इन्द्रः नृम्णस्य बलस्य मह्ना महत्त्वेन इत्थम्भूतस्तादृशो महाबलोन्यो नास्ति तस्मान्मा भैष्ट जनाः दास्यत्यस्मभ्यमिन्द्रियं बलं चेति । महतेरौणादिको नप्रत्ययः, तृतीयैकवचनस्य ‘सुपां सुलुक् ' इत्याकारः ॥ 'तत्रैव याज्या-आ ते मह इति पुरस्ताज्ज्योतिस्त्रिष्टुप् ।
*सं. २-२-८
For Private And Personal Use Only
