________________
Shri Mahavir Jain Aradhana Kendra
www.kcbatrth.org
Acharya Shri Kailassagarsur Gyarmandir
64%*%
(ततीयपत्थावो) तिइंडिभवसमेया भणिया वत्तवया य मिरिइस्स । एत्तो य जहावित्तं साहिजइ विस्तभूइस्स ॥१॥
इहेव जवुद्दीवे दीवे भारहवाससिरसेहरोयमे पइदिणभवंतविविहमहूसवे नीसेसनयरविक्खाए रायगिहे नयरे पढमो सोंडीरचक्कस्स वल्लहो गुणिवग्गस्स सम्मओ पयइलोयस्स पाणप्पिओ पणइजणस्स भुयरंडलीलारोवियभूमिभारो विसुद्धबुद्धिपगरिसवीमंसियधम्मवियारो विस्सनंदी नाम नराहिवो, मयणलेहा नाम से भारिया, विसाहनंदी कुमारो, तहा परूढगाढपेम्माणुबंधो सरीरमेत्तविभिण्णो विसाहभूती जुवराया, तस्स रूबाइगुणरयणरोहणधरिणी धारिणी नाम देवी । इओ य सो मिरिइजीवो बंभलोगाओ चुओ संतो चउग्गइयं संसारकंतारमणुपरियहिऊण अणं-12 तरभवजणियतहाविहकुसलकम्माणुभावेण समुप्पण्णो तीसे गम्भंमि पुत्तत्ताएति, अण्णया पसओ विसिटे वासरे, कयं विस्सभूइत्ति से नाम, कमेण परिचत्तबालभावो गाहिओ सो पिउणा कलाकलावकोसलं, तारुणमणुप्पत्तो परिणाविओ बत्तीसं सुररमणीविन्भमाओ पवररायकुलसमुन्भववालियाओ, ताहि य समं बहुप्पयारं कीलंतो कालं गमेइत्ति । अण्णया य सयलतइलोयदरिसियवियारो तरुवराणपि विहियलावण्णो मुणीगंपि कयचित्तचमक्कारो समागओ महुमासो, जत्थ य
पोढपुरंधिथोरथणमंडलपडिहयगमणवेगओ। पिययमविरहविहुरतरुणीयणदीहरसासतरलिओ ॥२॥
**%*%*%
SA
For Private and Personal Use Only
