________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
श्रीगुणचंद महावीरच० ८ प्रस्ताव:
इन्द्रप्रार्थना निर्वाणं च.
KARNER
॥३३८॥
जस्सट्टाए कीरइ पुरमंदिररजलच्छिसंचागो । मुच्चइ सिणेहबंधुरबंधवजणगाढपडिबंधो ॥१०॥ आयाविजइऽसइ गिम्हुम्हवण्हिसंतत्तसकरुक्करे । भूमीयलंमि हिमकणदुविसहे सीयकालेऽवि ॥ ११ ॥ अँजिज्जइऽसइ सुदूंछतुच्छमरसं च भोयणं पाणं । निवसिजइ भीमसुसाणसुन्नगिहरनमाईसु ॥ १२॥ सेविजंति पइदियहमेव वीरासणाइठाणाई । छट्ठमाइदुक्करतवचरणाई पि कीरंति ॥ १३ ॥ अहियासिज्जइ नरतिरियदेवविहिओवसग्गवग्गोऽवि । न गणिजइ दुविसहो परीसहाणं पबंधोऽपि ॥ १४ ॥
तिहुयणपणमियचलणो भवभयमहणो जिणो महावीरो।
उभउचिय एगागी तं मोक्खपयं समणुपत्तो ॥१५॥ सत्तहिं कुलयं ।। अह सवेऽवि सुरिंदा चरविहदेवेहिं परिवुडा झत्ति । चलियासणा वियाणियजिणनिबाणा समोइना ॥ १६ ॥ विगयाणंदा बाहप्पवाहवाउलियनयणपम्हंता । जगनाहस्स सरीरं नमिउमदूरे निसीयंति ॥ १७॥ अह सोहम्माहिवई गोसीसागरुपमोक्खदारूहि । नंदणवणाणिएहिं चियमेगते रया चित्ता ॥ १८॥ अह सुरहिखीरसायरजलेण ण्हविऊण जिणवरसरीरं । हरिचंदणोवलितं नियंसियामलदुगूलं च ॥१९॥ सट्ठाणपिणद्धविचित्तरयणकिरणुब्भडाभरणरुइरं । सिवियाए संठवित्ता नेइ चियाए समीवंमि ॥२०॥ अह देविंदेसु जयजयारवं निन्भरं कुणंतेसु । कुसुमुक्करं मुयंतेसु सबओ खयरनियरेसु ॥२१॥
P॥३३८॥
BOARA
For Private and Personal Use Only
