________________
Shri Mahavir Jain Aradhana Kendra
श्रीगुणचंद महावीरच ० ८ प्रस्तावः
॥३२६ ॥
www.kobatirth.org
Acharya Shri Kailassagarsuri Gyanmandir
अन्नयाय चउसिदिमि पडिवन्नो अणेण उववासो गहिउं चउविहंपि पोसहं, ठिओ य गिगंतभूयाए जाणसालाए निसिंमि काउस्सग्गेण, मंगलावि मयरद्धएण वाहिजमाणी उज्झियकुलाभिमाणा अगणियाववाया नीय गामिणीउ कामिणीउत्ति य पवायं सच्चविन्तिव घडिया सह विडेण, गेहजणलजाए पयडं चिय अकजमायरिउ भपारयंती पुछदिन्नसिंगारेण विडेण सद्धिं रयणीए समागया तं चैव जाणसालं, अच्चंधयारत्तणेण काउस्सग्गट्टियं जिणदासमपेच्छमाणीए तंमि चैव पएसे पक्खित्तो लोहकीलगतिक्खपद्वाणो पलको अणाए, तक्कीलगेण य समीववत्तिणो जिणदासस्स विद्धो सहाबकोमलो चलणो, सा य विडेण सद्धिमकजमायरिउमारद्धा ।
जिणदासो पुण अइतिक्खलोहकीलगविभिन्न चलणतलो । उप्पन्नगाढवियणो चिंतिउमेवं समाढत्तो ॥ १ ॥ मा ! जीव काहिसि तुमं मणागमेत्तंपि चित्तसंतावं । सयमवि दिट्ठे विलिए भज्जाऍ अकज्जसत्ताए ॥ २ ॥ जं परमत्थेण न एत्थ कोऽवि भज्जा व सयणवग्गो वा । किंतु सकज्जविणासे सबंपि परंमुहं ठाइ ॥ ३ ॥ अवि-तावच्चिय दंसइ पण भावमायरइ ताव अणुकूलं । निययत्थविसंवायं जाव न पेच्छइ पणइलोगो ॥ ४ ॥ ता या धम्मत्थसुन्नचिंताए एत्थ को दोसो ? । इत्थी सभावओ चिय दुग्गेज्झा वुञ्चई जेण ॥ ५ ॥ अरक्खियाचि अइपालियावि अइगाढरूढपणयावि । वाढं उवयरियाविहु देव दुरंतं भयं महिला ॥ ६ ॥ तोचि मुणिवसभा सुबुद्धिमाहप्पमुणियपरमत्था । पञ्चक्खरक्खसीहि व महिलाहिं समं न जंपंति ॥ ७ ॥
For Private and Personal Use Only
पौषधे जिनदास
कथा.
॥ ३२६ ॥
