________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
कह वा मम नयणजुयं सभावओ च्चिय निमेसपरिहीणं । देवत्तविरुद्धेवि हु निमीलणुम्मीलणे कुणइ ? ॥५॥ कह अंतरंतरा पेच्छणाइवक्खित्तचित्तमवि पावा । लद्धावसरचिय वेरिणिव विद्दवइ मं नि ? ॥ ६ ॥ अचंतपेमपरवसचित्तोऽपि हु परियणो कहमियाणि । कइवयदिणदिट्ठो इब न वयणमभिनंदए मज्झ ? ॥ ७॥ ता सबहा न कुसलं तक्कमि अहं सजीवियवस्स । कल्लाणकारिणो जेण होति न कयाइ उप्पाया ॥८॥ इय एवंविहचिंतासंताणुप्पन्नतिवपरितावो । कप्पहुमोव वणदवपलीविओ भाइ सो तियसो ॥९॥
एवं जाव सोगपमिलाणणो सिंघासणगओ अच्छद ताव तस्स चेव पियमित्तो कणगप्पभो नाम देवो समागओ तिं पएसं, तं च तहट्टियं दट्टण चिंतियमणेण-कहं अज्ज पियमित्तो सुण्णचित्तलक्खोव लक्खीयइ ?, जओ अन्नवे
लासु दूराओ चिय मं आगच्छमाणं पलोइऊण सायरं सप्पणयं पढमालावासणप्पणामाइणा अभिणंदन्तो, संपयं पुण समीवमुवगर्यपि न पञ्चभिजाणइ, ता नूणं कारणेण होयचंति विभाविऊण भणिओ अणेण-भो विजुप्पम ! किं चिं-15 तिजइ?, उड्डमवलोइऊण जंपियं विजुप्पभेण-भो वरमित्त! कणगप्पभ इओ एहि, इमं च आसणमलंकारेहित्ति वुत्ते उवविठ्ठो एसो, पुच्छिओ य अणेण वेमणस्सयाकारणं, कहिओ य विजुप्पभेण स निययवुत्तंतो, तओ कणगप्पमेण भणियं-पियमित्त! सबहा न सुंदरमेयं, ता एहि तित्थगरस्स पुच्छामो, कहिं एत्तो तुह चुयस्स उप्पत्ती भविस्त्रइत्ति, विजुप्पमेण भणियं-एवं होउ, तओ गया विदेहखेत्ते, बंदिओ तित्थगरो, सविणयं पुच्छिओ य, जहा-भयवं!
AAAAAAECREASE
ANSARKAR
१३ महा
For Private and Personal Use Only
