________________
Shri Mahavir Jain Aradhana Kendra
Acharya Shri Kallassagarsuri Gyanmandir
www.kobatirth.org
SALAAMSABSEARS
वा जलणजालापलीविया समाणी पणतेया जायइ, एवं गोसालो मम वहाय तेयं निसिरित्ता विणट्ठतेउलेसमा४ हप्पो जाओ, तम्हा छंदेण निन्भया तुम्भे एयं धम्मियाए चोयणाए पडिचोएह, हेऊदाहरणकारणेहिं निप्पिटपसिणवागरणं करेहत्ति वुत्ते तहत्ति पडिसुणित्ता जयनाहं च सविणयं वंदिऊण समणा तं भणिउं पवत्ता । किं च-भो गोसालग! किं तुज्झ दंसणे एस सत्थपरमत्थो । जं लोगमग्गचुकं तमेरिस कम्ममायरसि ? ॥१॥ तहाहि-धम्मगुरुं अवमनसि नियमाहप्पं पवित्वरसि बहुसो। जुत्तीहिवि जं न घडइ तं भाससि मुक्कमजाय !॥२॥ वायाए जीवरक्खं पयडसि तं लोयमज्झयारंमि । सद्धम्मगुणपहाणे सयं तु निदहसि साहूवि ॥३॥ एवंविहं अकज कुणंति न कयाइ किर चिलायावि । तुमए पुण अलियवियद्दमेव सवं समायरियं ॥४॥ न सरसि उवयारं एत्तियंपि जं रक्खिओ सि जयगुरुणा । तह वेसियायणुम्मुक्कतेयनिडज्झमाणंगो ॥५॥ इइ भगवओ समणेहिं धम्मियाए चोयणाए चोइजमाणो गोसालो आसुरुत्तो कोवेण मिसिमिसेमाणो समाणो जाव साहूणं सरीरस्स रोममेत्तंपि निडहिउँ न तरइ ताव पडिहयसामत्थं तं नाऊण केऽवि आजीवियथेरा जयगुरुं गुरुत्तणेण पडिवन्ना, अन्ने पुण विवेगविरहिया तहेव ठिया, गोसालगोऽवि खणमेत्तं विगमिऊण रोसेण व माणेण य दीहुण्हं नीससंतो दाढियलोमाई हुँचमाणो हत्थे पकंपयंतो चलणेहिं भूमि कुट्टमाणो अंतो विसप्पंतदुस्सहतेउल्लेसादाहवसेण य हा हओऽहमस्सीति पुणरुत्तं वाहरंतो अकयकज्जो चेव भगवओ समीवाओ नीहरिऊण गओ सट्ठाणं, टू
MAHAKALKARA%ABAR
For Private and Personal Use Only
