________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandr
नगरि धन्नस्स वत्थस्स इंधणस्स य भरेहि, आसाविणडिएण य भरिया अणेण, जाहे नयरी रोहगसज्जा जाया ताहे सा विप्पडिवन्ना, दुवाराई बंधिऊण जुज्झिउं उवट्ठिया, चंडपज्जोयरायावि विलक्खो नगरिं वेढिऊण ठिओ, अन्न| दिवसे य वेरग्गमुवगयाए चिंतियं मिगावईए-धन्ना ते गामागरनगराइसन्निवेसा जत्थ भयवं महावीरसामी भवगिराए जणं पडिबोहंतो विहरइ, संपयं च जइ सो परमेसरो एत्थ एद्द तो अहं पवयामि, इमं च तीसे संकष्पं | केवलालोएण कलिऊण गोयमपमुहमुणिजणपरिवुडो नवकणयकमलनिम्मियचलणो अणंतरमेव समागओ भयवं, कयं देवेहिं समोसरणं, उवविट्ठो सिंहासणे जयगुरू, तप्पभावेण य पसमियं वेरं वद्धाविया मिगावई चार पुरि| सेहिं, दिन्नमणाए चिन्ताइरित्तं तेर्सि पारिओसियं, उग्घाडियाइं गोउरकवाडाई, महया विभवेण निग्गया मिगावई, जहाविहिणा वंदिओ भयवं, ठिया य समुचियठाणे, चंडपज्जोयरायावि समागओ, एत्थंतरे भगवया
पारद्धा धम्मकहा ।
अह एगो पुरिसो करगहियकोदंडवाणो एस सङ्घण्णुत्ति लोयप्पवायं निसाभिऊण भयवओ अदूरदेसडिओ निय संसयं मणसा पुच्छर, ताहे सामिणा भणिओ-भो देवाणुपिया ! वायाए पुच्छ, वरमन्नेऽवि भवसत्ता पडिबुज्झंति, एवमवि सामिणा भणिए लोयलजाए तेण भण्णइ-भगवं ! जा सा सा सा ?, तो भगवया जंपियं एवमेयंति, अह पायपीढपासट्ठिएण गोयमसामिणा सुयनाणमुणियपरमत्थेणवि भवजण पडिवोहणत्थं पुच्छियं - भययं ! किं
For Private and Personal Use Only
