________________
Shri Mahavir Jain Aradhana Kendra
www.kobatirth.org
Acharya Shri Kailassagarsur Gyanmandir
श्रीगुणचंद महावीरच. ८प्रस्तावः
जमालेनिहवत्वं.
॥२६६॥
ता जुत्तिसंगयमिमं कडमेव कडं पवुच्चए पयडं । किरियानिट्ठासमयाण होइ एवं च न विरोहो ॥५॥ इय पडिवजह समणा! पक्खमिमं सयलदोसपरिहीगं । वुत्तंति नेय गिज्झइ कुपलेहिं किंतु जुत्तंति ॥६॥ नय सबन्नुत्ति पसिद्धिपत्तकित्ती जिगो वयइ मिच्छा । किं तु वए चिय कइयावि जेण गरुयावि मुझंति ॥७॥
इय समयसत्थसवणुब्भवपि तं नियविवेयमवहाय : पित्तजरविहुरिओ इव पलवइ असमंजसं बहुसो ॥८॥ NI एवं च मुकमजायं अजुत्तपिरं च जमालिं वियाणिऊण थेरेहि भणियं-भो जमालि! किमेवं विवरीयं परूवेसि ?, 8.न हु विजियरागदोसमोहा अन्नहा जति तित्थयरा, न य तवयणं मणागपि पचक्खविरुद्धाइदोसलेसमावहइ,
तहाहि-जं तए भणियं-अणेगुत्तरोत्तरसमएहिं निप्फजमाणमि कजे कहं पारंभसमएवि निष्फण्णंति बुचइ?, तमजुत्तं, जओ-जइ पढमसमए निप्फण्णं न वुचइ ता समयाविसेसत्तगेण बीयाइसु समएसु अनिप्फत्ती चेव हवेज्जा, जंच अत्थकिरियाए साहगत्तं वत्थुलक्खणं भणियं तंपि इह अवभिचरियं जुजइ, अभिहाणनाणोवओगसंभवाओ, तहाहि-तहाविहं वत्थुविसेसं पप्प पढमसमएवि लोगो किमेयं कुणसित्ति अन्नेण पुट्ठो वागरइ-घडं पडं वा करेमित्ति, जं च पढमसमयकडे उत्तरोत्तरसमएसु कडकरणलक्खणाणवत्थादूसणं तंपि अन्नन्नकजंतरपसाहणेण अलियमेव, किरियाकालनिट्ठाकालभेयदूसणपक्खोऽवि विहलो, जं च कहियं-न वुत्तं गिज्झइ किं तु जुत्तं, तत्थवि छउमस्थस्स तुम्हारिसस्स कहं जुत्ताजुत्तविवेओ संभवेजा?, भयवं चिय केवलालोयकलियलोयालोयभावो एत्थ पमाणं,
AASARACK
॥२६६॥
For Private and Personal Use Only
