________________
Acharya Shri Kailassagarsuri Gyanmandir
Shri Mahavir Jain Aradhana Kendra
www.kobatirth.org
' गच्छंतु व मुक्खजणा देवा कहऽणेण विम्हयं नीया? । पूयंति संथुणंति य जेणं सद्दण्णुबुद्धीए ॥ ३॥
अहया जारिसओ सो सबण्णू तारिसा सुरा तेऽवि । अणुसरिसो संजोगो गामनडाणं व मुक्खाणं ॥४॥ किं वा इमिणा बहुजंपिएण? अजवि असिद्ध कजमि । सयमेव तत्थ गंतूण हेउजुत्तीहिं तं समणं ॥५॥ काउं हयप्पयावं पुरओ देवाण दाणवाणं च । नासेमि अहमसेस खणेण सवण्णुवायं से ॥ ६ ॥ जुम्म । इय साहंकारं जंपिऊण पंचहिं सएहिं सिस्साणं । परियरिओ सो पत्तो जयगुरुणो पायमूलंमि ॥ ७ ॥
तयणु-ससहरकासकुसुमोहहिमपंडुरछत्ततियनिहयतरणिकरनियरपसरह, पमिलंतसायरनरखयरसुरिंदसंदोहवंदह । पेच्छिवि जयनाहह महिम इंदभूह मणमि, किं एयंति चमक्कियओ तक्षणि ओसरणंमि ॥ ८॥
एत्यंतरंमि भुवणेकभाणुणा जिणवरेण संलत्तो । भो इंदभूइ ! गोयम सागयमिइ महुरवाणीए ॥९॥ ताहे चिंतियमिमिणा नामंपिहु मे बियाणए एसो। भुवणेऽवि पायडजसं अहवा को मं न याणेइ? ॥१०॥ जइ हिययगोयरं मे संसय मण्णेज अहव छिंदेजा। ता होज विम्हओ मे इय चिंतंतो पुणो भणिओ ॥ ११॥ किं मण्णे अत्थि जीओ उयाहु नत्यित्ति संसओ तुज्झ । सुंदर! परिचयसु इमं संदेहं माणपडिसिद्धं ॥ १२॥ अस्थि जिओ निभंतं इमेहिं सो लक्खणेहिं मुणियबो। चित्तंचेयणसण्णाविण्णाणाईहिं पयडेहिं ॥ १३ ॥ जइ पुण न होज जीवो अवडिओ सुकयदुकयाहारो। ता जागदाणनाणोवहाणपमुहं मुहा सत्वं ॥ १४ ॥
For Private and Personal Use Only
