________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
ANGRAGNCRACK
एवं च चमरासुारदस्स अपरिभावियनियभुयबलमाहप्पदप्पजंपियं परिभाविऊण पयंपियं सामाणियसुरेहि-देव! एसोहि परभवोवजियविसिढ़पुन्नपगरिससमासाइयपवरलोयरायलच्छिविच्छड्डो पुरंदरो, तुमं पुण उज्जमववसायवलाइगुणगणपरिगओऽवि भवणवासीण अम्हारिसाणं सामी, ता नाह ! जयसु मच्छरं, उवभुंजेसु तुम सकमावज्जियं सामि. तणं, एसो पुण सुरपुरसंपयं, निरत्यओ एत्थ परोप्पर विरोहो, किं कजं संसयतुलावलंबिएण नियमाहप्पेणं ?, निउणबुद्धीए परिचिंतउ सामी। अपरिभावियकयाणं कजाणं उवभुजंतविसतरुफलाणं व पजंतविरसत्तणं, नहु एक्कसिपि8 माणखंडणासमुन्भूओ अवजसपंसू सुक्यसहस्सवारिधारावरिसणेणवि पसमिउं तीरइ, ता सामी! सयमेव मुणइ जमेत्थ जुत्तं, को अम्ह तुमाहितो विवेयभावो? ॥
इमं च निसामिऊण गरुयामरिसवसविसप्पंतभिउडिभीमभालयलो चमरासुरिंदो समुल्लविउमारद्धो-भो भो सामाणिया! सुरा निरत्थयं समुबहह परियायपरिणयविवेयविरहियं थविरतणं, जेण एवंविहसपहुपराभवपिसुण
वयणनिवहमुलवंताण दूरमवकंतं तुम्ह गरुयत्तणं, गुणा हु गोरवमुवजणिति, एत्तो चिय लहुओऽवि परियारणं गुणा६ हियत्तेण गुरुव घेप्पइ जणेणं, कहमण्णहा अणुमेत्तोऽवि सुचित्तसुंदरयामहग्याविओ सिरम्मि निहिप्पइ सरिसवो?, • अहवा किमेएण?, अदिट्टमहपरकमाणं तुम्हाणं को दोसो?, ता साहेह किं हेलाकरयलतालणुदुप्पयंतनिवडतेहि
गंदुएहिं व कीलेमि कुलाचलेहिं उयाहु गयणंगणविसप्पमाणकल्लोलपेलणुलरियतारयविमाणमालं निरंभेमि पत्रलपवणपक्खुभियजलहिजलवेलं?, अहवा पयंडभुयदंडचंडिमावसपरियत्तियं एगत्तीकरेमि भुवणतयं, इइ बहुप्पयारा-18
CACACASCACANCELCALCCCC
For Private and Personal Use Only
