________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
मिलिओ य नयरलोगो रायाविय विव्हिओं हिं पत्तो । वित्तंतमिमं पुट्ठो य तेहिं सेट्ठी पट्ठेिहिं ॥ २५ ॥ तेणावि कवडसीलत्तणेण काउं बहुं फडाडोवं । सिद्धं जहा महप्पा एसो परमन्नपाणेहिं ॥ २६ ॥ सयमेव मए पाराविओत्ति अवंतभत्तिजुत्तेण । एत्तो चिय तियसेहिं घुट्टमहो दाणमेयंति ॥ २७ ॥ सोचा एवं लोगो रायाविय गाढहरिसपडिहत्थो । तग्गुणगहणं काउं जहागयं पडिनियत्तोत्ति ॥ २८ ॥ सो पुण पुराण सेट्ठी अभ्यंतवियुज्झमाणसुहभावो । दुंदुहिसहं सोचा झडत्ति सोगाउलसरीरो ॥ २९ ॥ पडिचिंतिउं पवत्तो हाहाऽहं मंदभग्गजणजणगो । जणिओ विहिणा नृणं जस्स घरं लंषिरं नाहो ॥ ३० ॥ अन्नत्थ पारिओ अज्ज सायरं उबनिमंतिओऽवि मए । अहवा निप्पुन्नाणं न घरे चिंतामणी एह ॥ ३१ ॥ जुम्मं । अह भयवं पारिता गामागरसुंदरं धरावीढं । विहरह हरियतमभरो सूरो इव भवकमलाण ॥ ३२ ॥ अमिय पत्थावे समोसढो तत्थ पासजिणसिस्सो । सूरी केवलनाणप्पईवपायडियपरमत्थो ॥ ३३ ॥ नाउं समोसढं तं नयरिजणो नरवई य हिमणो । वंदणवडियाऍ लहुं समागओ तस्स पासंमि ॥ ३४ ॥ वंदित्ता भत्तीए उचिट्ठाणंमि सन्निसन्नो य । सुचिरं धम्मं सोउं पुच्छिउमेवं समादत्तो ॥ ३५ ॥ भयवं ! एत्थ पुरीए अणेगजणसंकुलाए को धन्नो १ । लहुईकय संसारो य ? कहसु अइकोउगं मज्झ ॥ ३६ ॥ तो केवलिणा भणियं अधन्नो एत्थ जुन्नसेट्ठित्ति । रन्ना वृत्तं किं नणु सामी पाराविओ तेण १ ॥ ३७ ॥
For Private and Personal Use Only
