________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
SSSSSSSHESAKAL
इय जइधम्मे सबो कायबविही निवेइओ तुम्ह । अक्खंड सिवसोक्खं जद बंछह ता तयं कुणह ॥ ११ ॥
एवमायन्निऊण जणो पहिट्ठमणो भणिउमाढत्तो-भयवं! जइ एवंविहो चरणधम्मो ता कीस तुम्हे छत्तप्पमुहमुवगरणं गिण्हह ? सिरलोयाइयं च न सम्ममायरहत्ति, मिरिइणा भणियं-भो भो महाणुभावा! मा एवमासं. कह, जहा एसो अण्णहा भासइ अण्णहा करेइत्ति, अहं हि संसाराणुसारिबुद्धी पराजिओ मोहमहामलेणं पडिक्खलिओ उस्सिखलकसायखलेहिं मुसियपसमधणो दुइंतिदियचोरोहिं सायरमवलोइओ दुग्गइदुक्खरक्खसीए, ता मम दोसगुणविभावणं उज्झिऊणं नीओवणीयं पिव महामणि खचरसमप्पियं पिव परमविजं मायंगदेसियं पिव समी-15 |हियपुरपंथाणं रोगविहुरवेजोवइटुं व परमोसहं अंगीकरेह सबहा तुम्हे मुणिधम्मंति।
एवमाइन्निऊण संजायभववरग्गा निउणबुद्धिपरिभावियपरमत्था तणं व परिचत्तपुत्तकलत्तमित्तवित्ता जिणधम्मनिवेसियथिरचित्ता समणदिक्खागहणत्थं पाउन्भवंति अणेगउग्गभोगराइण्णपमुहा जणा, मिरिईऽवि ते |सिस्सभावेणोवठिए णाऊण भगवओ भुवणपईवस्स संसारतरुगहणदहणदावानलस्स अट्ठप्पयारपवरपाडिहेरपयडप्प-18 भावस्स उसभसामिणो समप्पेइ । एवं च पइदिणं सद्धम्मदेसणाए पडिबोहेमाणो नियदुचरिअं निरंतरं निंदमाणो सुस्समणपक्खवायं वहमाणो सुत्तत्थाई मणे परिभावमाणो सुहसीलयाए सबुद्धिपरिकप्पियपरिवायगवेसं धरेमाणो गामागराईसु सामिणा सद्धिं विहरमाणो कालं गमेइत्ति ।
For Private and Personal Use Only
